பாடுமீன்.கொம் உங்களை வரவேற்கிறது

டிவீட்டர் இணையதளம் செய்தி வலை தளத்தினை தொடங்குகிறது

2010-11-24T04:18:00.000-08:00

மிகவும் பிரபலமான சமூக வளை தளங்களில் ஒன்று டிவீட்டர். இந்த வலை தளம் விரைவில் செய்தி வலைதளங்களை ஏற்படுத்த திட்டமிட்டுள்ளது. டிவீட்டர் இணையதளம் ஒரு மைக்ரோ பிளாக் இணைய தளம் ஆகும். உலகம் முழுவதும் உள்ள அரசியல் தலைவர்கள் முதல் சாதாரண தொழிலாளர்கள் வரை தங்களது கருத்துக்களை இந்த வலை தளம் வாயிலாக தெரிவிக்கும் வகையில் சேவையினை செய்து வருகிறது. 175 மில்லியன் உறுப்பினர்கள் பதிவு செய்து வைத்துள்ளது. இந்நிலையில் செய்தி ‌இணையதளம் ஒன்றை தொடங்க டிவீட்டர் முடிவு செய்துள்ளது. இது குறித்து இந்த நிறுவனத்தில் இணை ஸ்தாபகர் பிட்ஸ்ஸ்டோன் தெரிவிக்கையில், டிவீட்டர் இணையதளத்தினை மேலும் பரவலாக்க உலகம் முழுவதும் கிடைக்ககூடிய தகவல்களை திரட்டி செய்தி இணையதளமாக்க முடிவு செய்யப்பட்டுள்ளது. இதற்காக முன்னணி செய்தி நிறுவனங்களிடம் பேச்சுவார்‌த்தை நடத்தி வருகிறோம். தற்போது டிவீட்டர் இணையதளத்தில் 95 மில்லியன் குறுந்தகவல்கள் வருகின்றன. இதனை மேலும் பரலாக்க செய்தி இணையதள வசதியினை ஏற்படுத்தி நெட்வொர்க் அமைக்கப்படவுள்ளது. இதற்காக 100 மில்லியன் டாலர் முதலீடு செய்கிறது. இவ்வாறு பிட்ஸ்ஸ்டோன் கூறினார். டிவீட்டர் இணையதளம் அமெரிக்க பார்லிமென்ட் நூலகத்தில் பராமரிக்கப்பட்டு வருகிறது என்பது குறிப்பிட தக்கது.

நாய்க்குட்டிக்குப் பெயர் வைக்க நாட்டு மக்களின் உதவியை நாடியுள்ளார் ரஷ்யப் பிரதமர்!

2010-11-24T04:15:00.000-08:00

கடந்த வார இறுதியில் பல்கேரியப் பிரதம மந்திரியால் ரஷ்யப் பிரதமர் விளாடிமிர் புடினுக்கு ஒரு நாய்க்குட்டி பரிசாக அளிக்கப்பட்டுள்ளது. ஆண் நாய்க் குட்டியான இதற்கு பொருத்தமான ஒருபெயரைச் சூட்ட உதவுமாறு அவர் நாட்டு மக்களிடம் வேண்டுகோள் விடுத்துள்ளார்.

அரசாங்கம் தனது உத்தியோகபூர்வ இணையத்தளத்தில் இது சம்பந்தமாக அறிவித்துள்து. பல்கேரியாவும் ரஷ்யாவும் கடந்த வார இறுதியில் குழாய் மூலமான எண்ணெய் விநியோகம் தொடர்பான பல உடன்படிக்கைகளைச் செய்து கொண்டன.

இதன் நினைவாக பல்கேரியப் பிரதமர் பொய்கோ பொரிஸோ நிகழ்வுகளின் முடிவில் கரகாச்சான் ரக நாய்க்குட்டி யொன்றை ரஷ்யப் பிரதமருக்குப் பரிசாக அளித்து அவரை மகிழ்ச்சியில் ஆழ்த்தினார்.

இந்த நாய்க்கு ஒரு அழகிய பெயரைச் சூட்டவே அவர் பொது மக்களின் உதவியை நாடியுள்ளார்

வந்து விட்டது டிஜிட்டல் உயில்

2010-11-24T04:12:00.000-08:00

ஒருவருடைய மறைவுக்குப் பிறகு அவருடைய சொத்து யாருக்கு கிடைக்க வேண்டும் என்பதை உயில் அடையாளம் காட்டுகிறது. டிஜிட்டல் மயமான உலகில் ஈமெயில், பேஸ்புக் உள்ளிட்ட டிஜிட்டல் தகவல்களை யார் சொந்தம் கொண்டாடுவது என்ற கேள்வி எழுந்துள்ளது. இதற்கும் வந்து விட்டது டிஜிட்டல் உயில்.

ஈமெயில், சமூக இணையதளம், இன்டர்நெட் வழி பாங்கிங் என இன்டர்நெட் பயன்பாடு இன்றைய வாழ்க்கையில் தவிர்க்க முடியாததாகி விட்டது. இதில் போட்டோ ஆல்பம், பல்வேறு முக்கிய ஆவணங்கள் டிஜிட்டல் முறையில் சேமித்து வைக்கப்படுகின்றன. இவற்றுக்குள் நுழைய பயன்பாட்டாளர் பெயர் மற்றும் ரகசிய குறியீடு அவசியமாகிறது.

இந்நிலையில் ஒருவர் திடீரென இறந்து விட்டால், அவருடைய டிஜிட்டல் தகவல்களுக்கான ரகசிய குறியீடை அறிய வாரிசுதாரர்கள் படாத பாடுபட வேண்டி உள்ளது. குறிப்பாக, இத்தகைய தகவல்களை பெற சம்பந்தப்பட்ட இணையதள நிறுவனங்கள் கெடுபிடி காட்டுகின்றன. எனவே, தங்கள் மறைவுக்குப் பிறகு தனது அசையும், அசையா சொத்துகள் யாருக்கு கிடைக்க வேண்டும் என்பதை உயில் மூலம் எழுதி வைப்பது போல டிஜிட்டல் தகவல் தொடர்பாகவும் உயில் எழுதி வைக்கலாம் என நிபுணர்கள் தெரிவித்துள்ளனர்.

இது குறித்து இந்திய உச்ச நீதிமன்ற வழக்கறிஞர் பவன் துகல் கூறியதாவது: ஒருவருடைய மறைவுக்குப் பிறகு அவருடைய டிஜிட்டல் தகவலை பெறுவதில் பல்வேறு சட்ட சிக்கல்கள் எழுகின்றன. நீதிமன்றத்தில் இதற்கான அதிகார சான்றிதழ் பெறுவது மிகவும் கடினம். எனவே, இன்றைய சூழலில் டிஜிட்டல் உயில் மிகவும் அவசியமாகிறது.

முதலில் டிஜிட்டல் வழியில் என்னென்ன தகவல் உள்ளது என்பதை பட்டியல் இடுங்கள். தனது மறைவுக்கு பிறகு இந்த தகவலை பெறுவதற்கு யார் உரிமை கோரலாம் என்பதை குறிப்பிட்டு கையெழுத்திட வேண்டும். இந்தியர்களிடையே இது குறித்து விழிப்புணர்வு ஏற்பட்டு வருகிறது. இந்தியாவிலேயே முதன் முறையாக கடந்த ஏப்ரலில் மும்பையைச் சேர்ந்த ஒருவர் டிஜிட்டல் உயில் எழுதுவதற்கு உன் உதவியை நாடினார். அதன் பிறகு 6 பேர் அணுகினர். மேலும் பலர் இது தொடர்பாக தொடர்பு கொண்டு வருகின்றனர் இவ்வாறு பவன் துகல் தெரிவித்தார்.

உயர பறக்கும் பாம்பு அதிர்ச்சி காணொளி!!

2010-11-24T03:47:00.000-08:00

பறக்கும் பாம்பினங்கள் எப்படி பறக்கின்றன, என்ற ஆச்சரியத் தகவலை இந்தக் காணொளி தருகின்றது. பறக்கும் பல்லி வகைகள், பறக்கும் அணில் பயன்படுத்தும் பறக்கும் முறைகளைக் காட்டிலும், பறக்கும் பாம்புகள் தானே மேல் எழுந்து பறக்கின்றன. இதனைப் பார்க்கும் போது ஆச்சரியமாக மட்டுமில்லாமல் அச்சத்தையும் உண்டு பண்ணுகிறது.

உலகிலேயே மிக அதிக விலைக்கு விற்கப்பட்ட இணையதளம்

2010-11-24T03:42:00.000-08:00

செக்ஸ்.காம் என்பது ஒரு இணையதளத்தின் பெயர். இந்த இந்த இணையதளத்தை ஒரு கம்பெனி மிக அதிக விலை கொடுத்து வாங்கியதன் மூலம் அது வரலாறு படைத்து உள்ளது. இந்த இணையதளம் முதலில் எஸ்காம் என்ற நிறுவனத்துக்கு சொந்தமாக இருந்தது. இந்த கம்பெனிக்கு அதிக அளவில் இழப்பு ஏற்பட்டதால் அது இதை விலைக்கு விற்க முன்வந்தது.

குளோவர் ஹோல்டிங்ஸ் லிமிடெட் என்ற கம்பெனி இந்த இணையதளத்தை விலைக்கு வாங்கி உள்ளது. அது தான் 65 கோடியே 50 லட்சம் ரூபாய் கொடுத்து இந்த இணையதளத்தை விலைக்கு வாங்கி உள்ளது.

இணையதள வரலாற்றில் இவ்வளவு அதிக தொகைக்கு விற்ற ஒரே இணையதளம் இது தான் என்று கூறப்படுகிறது.

உலகிலேயே மிகவும் நீளமான நாக்கு

2010-11-23T05:15:00.000-08:00

ஐக்கிய இராஜ்யம் Coventry ஐச் சேர்ந்த Stephen Taylorஎன்பவரது நாக்குத்தான் உலகிலேயே மிக நீண்ட நாக்காக சாதனை படைத்து, உலக சாதனைப்புத்தகத்தில் இடம் பிடித்துள்ளது.

கடந்த 2009 பெப்ரவரி 11 ல் Coventry யிலுள்ள Westwood Medical Centre ல் அளக்கப்பட்ட இவரது நாக்கின் நீளம் 9.8 cm (3.86 in) ஆகும்

மிகப்பெரிய மனித எலும்புக்கூடு-(Picture Updated)

2010-11-23T05:12:00.000-08:00

12 மீற்றர் நீளமான மிகப்பெரிய மனித எலும்புக்கூடொன்று மேற்கு இந்தியாவின் பாலைவனைப்பகுதியில் கண்டுபிடிக்கப்பட்டுள்ளது.

இப்பிரதேசத்துக்கு சர்வதேச தொல்பொருள் ஆராய்ச்சியாளர்கள் செல்வதற்கு தடை செய்யப்பட்டுள்ளதுடன், இந்திய இராணுவத்தினர் பாதுகாப்பு கடமையில் ஈடுபடுத்தப்பட்டுள்ளனர்.

இது இந்திய புராணக்கதைகளில் குறிப்பிடப்படும் காடுகளில் வாழ்ந்த Rakshasas என்ற அரக்கனுடைய எலும்புக்கூடாக இருக்கலாமென நம்பப்படுகிறது.

இந்தியாவின் மனித சிலந்திகள்-(Photos Updated)

2010-11-23T05:07:00.000-08:00

இந்தியா,கல்கத்தாவின் Shagu Dream Land பாரிதாபாத்தைச்சேர்ந்த 40 வயதுடைய ஒட்டிப்பிறந்த சகோதரிகளான கங்கா ஜமுனா இருவரையும் தான்"இந்தியாவின் மனிதச்சிலந்தி" ( “The Human Indian Spider”)என அழைக்கின்றனர். காரணம், இவர்களால் சாதாரணமாக நடக்க முடியாது. இருப்பினும், கால்களையும் 4 கைகளையும் பயன்படுத்தி மிக வேகமாக ஊர்ந்து செல்ல முடிகிறது. இவர்கள் நகர்வது சிலந்தி போன்ற அமைப்பில் காணப்படுவதால் இவ்வாறுஅழைக்கப்படுகின்றனர்.

பெண்ணிடம் தகாத முறையில் நடந்தவர் காமெராவில் சிக்கினார்

2010-11-23T04:52:00.000-08:00

நியூ யோர்க் சப்வே தொடருந்தில் ஒரு பெண்ணிடம் தனது பிறப்புறுப்பைக் காட்டி தகாத முறையில் சிக்க நபர், வகையாக மாட்டிக்கொண்டார்.

நியூ யோர்க் நகரின் யூனியன் வீதி சப்வே தொடருந்தில் ஒரு நபர் பெண்ணிடம் தனது பிறப்புறுப்பைக் காட்டி தகாத முறையில் நடந்துள்ளார். இதனைக் கண்ட அப்பெண் மிகுந்த கோபம் கொண்டு கத்தியுள்ளது மட்டுமில்லாமல், உடனடியாக காவல் துறையினரிடமும் புகார் செய்துள்ளார்.

அப்பெண்ணின் கூக்குரலால் அக்கம் பக்க்கத்தில் இருந்தவர்கள் அப்பெண்ணிடம் தகாத முறையில் நடந்துக் கொண்ட அந்நபரை காமெராவில் படம் எடுத்து யூடுபில் வெளியிட்டும் விட்டனர். அந்தக் காணொளியை நீங்கள் இங்கு காணலாம்.

இதே போல் சென்னை பேருந்துகளில் பெண்களிடம் சில்மிஷம் செய்பவர்களையும் காமெராவில் படம் எடுத்து மானத்தை வாங்க வேண்டும். பெண்களும் சும்மா விடாமல் காவலரிடமும் புகார் கொடுக்க வேண்டும்

ட்விட்டர் பயன்படுத்திய பெண்ணுக்கு சிறை தண்டனை

2010-11-23T04:48:00.000-08:00

உலகத்திலயே முதன் முறையாக ட்விட்டர் பயன்படுத்தியமைக்காக சீனாவில் ஒரு பெண்ணுக்கு ஒரு ஆண்டு சிறை தண்டனை கிடைத்துள்ளது. தி இண்டிபெண்டன்ட் இதழின் கூற்றுப்படி செங் ஃசியன்ய்பிங் என்னும் பெண்மணிக்கு தனது கணவரின் ட்விட்டை மறுபிரசுரம் செய்ததால் ஓராண்டு கடூழிய சிறைத் தண்டனையை சீன அரசு விடுத்துள்ளது.

ட்விட்டரின் தலைமை நிர்வாகி டிக் கோச்டோலோ வெளியிட்ட பதிவில் அவர் கூறுவதாவது, ” அன்பார்ந்த சீன அரசே ட்விட்டில் நையாண்டியாக விடுத்த ஒரு கூவலுக்காக ஒரு பெண்ணுக்கு ஓராண்டு சிறைத் தண்டனை கொடுத்திருப்பது முன்னோக்கி செல்லும் சீன நாட்டுக்கும், சீன மக்களின் எத்ரிகாலத்துக்கும் நல்ல அறிகுறியாகப் படவில்லை,” என்றார்.

மியூசிக் டி.என்.ஏ (MusicDNA) : புதிய பைல் பார்மட்

2010-11-23T04:45:00.000-08:00

பாடலைக் கேட்கும் போதே அதன் வரிகளைப் படிக்க, வீடியோ கிளிப் பார்க்க, இசையை ஒலிக்க, படங்களைக் காட்ட எனப் பல்வேறு பரிமாணங்களுடன் அடுத்த பாடல் பைல் வரப் போகிறது. எம்பி3 பாடல் பைல் பார்மட்டை உருவாக்கியதில் பின்னணியில் இருந்த சில வல்லுநர்களால் இந்த புதிய பார்மட் கிடைக்க இருக்கிறது. இதன் பெயர் மியூசிக் டி.என்.ஏ (MusicDNA).

நார்வே நாட்டைச் சேர்ந்த அப்ளிகேஷன் டெவலப்பர் டாக்பின் பாச் என்பவரால் இந்த புதிய வடிவம் அமைக்கப்பட்டுள்ளது. இவர் 1993ல் முதல் எம்பி3 பிளேயரை உருவாக்கியவர். பல மியூசிக் நிறுவனங்கள் இந்த புதிய பைல் வடிவமைப்பில் ஆர்வம் காட்டி ஒப்பந்தம் மேற்கொள்ள முன் வந்துள்ளனர்.

ஒரு பாடல் பைலில், பாடல் சார்ந்த தகவல்கள் 32 ஜிபி வரை இணைக்கலாம். ஒரு பைலில் மாற்றம் ஏற்படுத்துகையில், அந்த பைல் எந்த கம்ப்யூட்டரில் இருந்தால், இணைய இணைப்பில் அது அப்டேட் செய்யப்படும். வாடிக்கையாளர்களுக்கு வெறும் இசையை மட்டும் தராமல், இசை சார்ந்த மற்ற தகவல்களையும் தர வேண்டும் என்ற வேட்கையே இந்த புதிய பார்மட் உருவானதற்கு அடிப்படை காரணமாகும்

புல்லட் ரெயிலை விட வேகமாக ஓடும் அதிநவீன கார்

2010-11-23T04:35:00.000-08:00

உலகிலேயே அதிவேகமாக இயங்கும் புல்லட் ரெயில் சீனாவில் செயல்பாட்டில் உள்ளது. இது மணிக்கு 1200 கி.மீ. வேகத்தில் பாய்ந்து செல்கிறது. ஆனால் அதைவிட அதிவேகமாக செல்லக்கூடிய கார் தயாரிக்கப்பட உள்ளது. மணிக்கு சுமார் 1600 கி.மீட்டர் வேகத்தில் பாய்ந்து செல்லத்தக்க இக்காரை இங்கிலாந்து விஞ்ஞானிகள் உருவாக்க உள்ளனர். இக்கார் தயாரிக்கும் பணியில் ரிச்சர்ட் நோபல் என்பவர் தலைமையிலான குழுவினர் ஈடுபட்டுள்ளனர். இப்பணி வருகிற ஜனவரி மாதம் தொடங்கப்பட உள்ளது.

அதில், அதிசக்தி வாய்ந்த ஜெட் என்ஜின் மற்றும் ராக்கெட் பொருத்தப்படுகிறது. மேலும், இதன் பாகங்கள் மிக மெலிதான உலோக கலவையினால் அமைக்கப்பட உள்ளது. மேலும் 4 அலுமினிய சக்கரங்களும் பொருத்தப்பட உள்ளன. இக்கார் வருகிற 2012-ம் ஆண்டு பயன்பாட்டில் வரும். அப்போது அதிவேகமாக இயங்கி உலக சாதனை படைக்கும் என விஞ்ஞானி ரிச்சர்ட் நோபல் தெரிவித்துள்ளார்.

ரிச்சர்ட் நோபல் ஒரு என்ஜினீயர் ஆவார். இவர் சாதனை படைப்பதில் ஆர்வம் படைத்தவர். கடந்த 1983-ம் ஆண்டு மணிக்கு 1,019 கி.மீட்டர் வேகத்தில் செல்லும் டர்போ ஜெட் காரை நிவேதா பாலைவனத்தில் ஓட்டி கடந்து சாதனை படைத்துள்ளார். 1997-ம் ஆண்டு ஆண்டில் கிரீன், மணிக்கு 1228 கி.மீட்டர் வேகத்தில் ஓட்டி சாதனை படைத்த சூப்பர் சோனிக் கார் இவர் தலைமையில் உருவாக்கப்பட்டது குறிப்பிடத்தக்கது

கல்வி கற்க போகும் கழுதை...!!(Photos Updated)

2010-11-23T04:33:00.000-08:00

மொனா ரமோனி பார்வையற்றவர். பிரய்லி உபகரணத்தின் உதவியோடு மிச்சிகன் மாநிலப் பல்கலைக்கழகத்தில் மனோவியல் சிகிச்சை மற்றும் ஆலோசனை தொடர்பான கற்கை நெறியை மேற்கொண்டு வருகின்றார்.

இவரின் வழிகாட்டித் துணை ஒரு கழுதை. அதன் பெயர் கலி. இதில் என்ன விஷேடம் என்றால் கலி இந்த மாணவிக்கு துணை மட்டுமல்ல உற்ற நண்பனும் கூட.

வகுப்புக்களுக்குச் செல்லும் போது கலியும் கூடவே உள்ளே சென்றுவிடுகின்றது. பாடம் நடத்தும் பேராசிரியர்களுக்கும் இதனோடு நல்ல நட்பு. அவர்கள் எதுவும் சொல்வதில்லை. பாடம் நடத்திவிட்டு பேராசிரியர் ஷெலிஸ்மித்ஸன் ‘என்ன கலி புரிந்ததா?” என்று சிரித்துக்கொண்டே கழுதையைப்பார்த்தும் கேட்பார்.

அமெரிக்காவில் இந்த வகையைச் சார்ந்த மட்டக்குதிரைகள் பார்வையற்றவர்களின் வழிகாட்டி மிருகமாகப் பயன்படுத்தப்படுகின்றன. ஆனால் கல்லூரி செல்லும் முதலாவது கழுதை இதுதான். இந்தப் பல்கலைக்கழகத்தில் பார்வைக் கோளாறு உட்பட ஏனைய அங்கவீனமுற்றவர்களுக்காகவும் சர்வதேச அங்கீகாரம் பெற்ற ஒரு விஷேட பிரிவு உள்ளது.

இத்தகைய மாணவர்களை இனம் கண்டு அவர்களின் முழுத்திறமையையும் ஊக்குவித்து அவர்களை சமூகத்துடன் இரண்டறக்கலக்கச் செய்வதற்கான விஷேட வேலைத்திட்டங்கள் இங்கு அமுல் செய்யப்பட்டு வருகின்றன.

கலி என்ற இந்தக் கழுதை வகுப்பறைகளுக்குள் பிரவேசிக்கும் போது அது என்ன செய்யுமோ? வகுப்பறைகளைக் குழப்புமோ என்றெல்லாம் ஆசிரியர்களுக்கும் ஏனையவர்களுக்கும் ஆரம்பத்தில் அச்சம் இருந்தது.

ஆனால் கலி இதுவரை அப்படியொன்றும் செய்யவில்லை. மிகவும் நல்லபிள்ளையாக நடந்து கொள்கின்றது.

அதுமட்டுமல்ல கலிக்கு ஒரு புதிய நட்பும் கிடைத்துள்ளது. அதுதான் கண்பார்வையற்ற இன்னொரு மாணவியின் வழிகாட்டியான நாய். இவையிரண்டும் இப்போது நல்ல நண்பர்களாம்.

கரை ஒதுங்கியது ராட்சத திமிங்கலம்

2010-11-23T04:21:00.000-08:00

சென்னைத்துறைமுகம் அருகே, ராட்சத திமிங்கலம் ஒன்று அழுகிய நிலையில் கரை ஒதுங்கியது. சென்னைத் துறைமுக சிக்னல் பகுதியில், நேற்று ராட்சத திமிங்கலம் ஒன்று மிதந்தது. அழுகிய நிலையில் மிதந்த திமிங்கலத்தை, துறைமுக ஊழியர்கள் சிறு படகுகள் மூலம் கட்டி, கரையோரம் இழுத்து வந்தனர். இரண்டு டன் எடைக்குமேல் இருந்ததால் அவற்றைத் தூக்க முடியவில்லை. இதுகுறித்து மீன்வளத்துறைக்கு தகவல் கொடுத்தனர். அமைச்சர் சாமி, துறைமுக தலைவர் அதுல்யமிஸ்ராவும் திமிங்கலத்தை பார்வையிட்டனர். அவற்றை முறையாக அப்புறப்படுத்த முயற்சிகள் நடந்து வருகிறது. அழுகிய நிலையில் இருப்பதால், அவற்றை இன்று அப்புறப்படுத்தி, கடலோரப் பகுதியில் புதைக்கப்படும் என தெரிகிறது.

உயிருடன் கரை ஒதுங்கிய டால்பின்களால் பரபரப்பு

2010-11-23T04:14:00.000-08:00

கன்னியாகுமரியில் நேற்று பகலில் சுமார் 20க்கும் மேற்பட்ட டால்பின் மீன்கள் கரை ஒதுங்கின. உயிருடன் இருந்த அவை சிறிது நேரத்தில் மீண்டும் கடலுக்குள் சென்று விட்டன.

குமரி சின்னமுட்டம் மீன் பிடி துறைமுகத்தில் படகுகளை பழுது பார்க்கும் யார்டு உள்ளது. நேற்று பகல் 12 மணியளவில் மீனவர்கள் சிலர் அந்த பகுதி யில் நின்று கொண்டிருந்தனர். அப்போது டால்பின் மீன் கள் கரை ஒதுங்கி இருந்ததை அவர்கள் பார்த்தனர். அடுத்தடுத்து சுமார் 20க்கும் மேற்பட்ட டால்பின்கள் கரை ஒதுங்கியது.

இவை அனைத்தும் உயிருடன் இருந்தன. இவை ஒவ்வொன்றும் சுமார் 4 முதல் நான்கரை அடி நீள மும், சுமார் 60 கிலோ எடையும் இருக்கும் என மீனவர்கள் தெரிவித்தனர். டால்பின்கள் கரை ஒதுங்கிய தகவல் அறிந்ததும் சிறிது நேரத்தில் ஏராளமானவர்கள் அங்கு திரண்டனர். பின்னர் ஒவ்வொன்றாக கடலுக்குள் சென்றன. ஒரே நேரத்தில் 20க்கும் மேற்பட்ட டால்பின்கள் கரை ஒதுங்கியது குறித்து மீனவர்கள் மகிழ்ச்சி தெரிவித்தனர்.

இதுபற்றி மீனவர் ஒருவர் கூறு கையில், டால்பின்கள் இப்போது அடிக்கடி குமரி கடலில் தென்படுகின் றன. ஒரே நேரத்தில் 20க்கும் மேற்பட்ட டால்பின்கள் கரை ஒதுங்கி இருப்பது இப்போது தான் நிகழ்ந்திருக்கிறது. இதைவிட பெரிய டால்பின்கள்குமரி கடலில் இருக்கலாம் என்றார்

பாண்டா கரடிக்கு ஆன்லைனில் பெயர் சூட்டு விழா

2010-11-23T04:09:00.000-08:00

ஆஸ்திரேலிய பாண்டா கரடிக்கு ஆன்லைனில் பெயர் சூட்டும் விழா நடைபெற்றது. ஆஸ்திரேலியா நாட்டின் தலைநகர் சிட்னியில் உள்ள வனவிலங்கு சரணாலயத்தில் பாண்டா கரடி குடும்பம் வசித்து வந்தது. இந்த பாண்டா கரடி குடும்பத்திற்கு புதிய வரவாக குட்டி ஒன்று வந்தது. இதற்கு பெயர் வைப்பதற்கு ஆன்லைனில் போட்டியை நடத்தினர் வனவிலங்கு பூங்கா நிறுவனத்தினர். பூங்கா சார்பில் பூஹூ (ஹேப்பி டைகர்), வெய் ஷியங்( ஜாய் ஆப் வியன்னா), ஆவோ காங்( ஹெல்தி ஆஸ்திரேலியன் பாய்) என்ற மூன்று பெயர்கள் சூட்டப்பட்டன. இந்த ஆன்லைன் போட்டியில் சுமார் 5 ஆயிரம் உயிரியல் ஆர்வலர்கள் கலந்து கொண்டனர். அதில் பூஹூ பெயரை 50.1 சதவீதம் பேரும் 40.8 சதவீதம் பேர் வெய்ஷியாங் பெயரையும், வெறும் 9.1 சதவீதம் பேர் மட்டும் ஆவோ காங் பெயரை தேர்வு செய்திருந்தனர். பூஹூ பெயரை தேர்வு செய்தவர்கள் அனைவரும்2010-ம் ஆண்டு சீனாவுக்கு புலி ஆண்டாக இருப்பதால் அதனையே தேர்ந்தெடுத்துள்ளனர். இந்த பாண்டா குட்டியின் பெற்றோர்கள் சீனாவிலிருந்து வரவழைக்கப்பட்டவர்களாவர்.

இந்தியா,சீன நாட்டவர்கள் தங்கள் தலைமை சொல்வதையே விரும்புகின்றனர்!!

2010-11-23T04:03:00.000-08:00

இந்தியா,சீனா போன்ற நாடுகளில்உள்ள தொழிலாளர்கள் தங்கள் தலைமை சொல்வதை நம்புகிறார்கள் என்று ஆய்வில் கண்டறியப்பட்டுள்ளது. இது குறித்த நடைபெற்ற ஆய்வில் தெரிவித்திருப்பதாவது: இந்தியா, சீனா போன்ற வளர்ந்து வரும் நாடுகளில் உள்ள70 சதவீதத்திற்கும் மேற்பட்ட தொழிலாளர்கள் தங்கள் நிறுவனத்தின் மேல் அதகாரி கூறுவதை நம்பிக்கையுடன் ஏற்றுக்கொள்கின்றனர். இதன்மூலம் நிறுவனம் குறிப்பிட்ட இலக்கை அடையமுடிகிறது என்று கெனக்சா ஆய்வு மையத்தை சேர்ந்த ஜாக் வெய்லி தெரிவித்துள்ளார். மேலும் இரு நாடுகளிலும் நிறுவனத்ததலைவர்கள் தொழிலாளர்களுடன் நல்லு<றவை வளர்த்து வருவதால் அந்நாடுகளின் நிறுவனம் சிறப்பான வளர்ச்சியை அடைகிறது என்று தெரிவித்துள்ளார்.

தேவை இல்லாமல் புலம்புவதில் இங்கிலாந்து நாட்டவர்கள் முன்னிலையில்!!

2010-11-23T03:58:00.000-08:00

தேவை இல்லாமல் புலம்புவதில் தேவையில்லாத விசயங்களை மனதில் போட்டு குழம்பிக்கொள்வதில் இங்கிலாந்து நாட்டவர்கள் முன்னிலையில் உள்ளதாக ஆய்வில் தெரிவிக்கப்பட்டுள்ளது. சராசரியாக இங்கிலாந்து மக்கள் வருடத்திற்கு 53 மணிநேரம் புலம்புவதில் செலவிடுகின்றனர். குறைந்த வயதுடையவர்கள் தினமும் நான்குமுறை புலம்புவதாக டெய்லி எக்ஸ்பிரஸ் பத்திரிகை தெரிவித்துள்ளது. டி.வி.,நிகழ்ச்சிகள் மற்றும் விலை வாசி குறித்து 65 சதவீதம் பேர் வாரத்திற்கு ஒரு நாளாவது புலம்புகின்றனர்.பருவநிலை மாற்றம் குறித்து 64 , அரசின் நிலவரம் குறித்து 50 சதவீதம் பேர் புலம்புகின்றனர். வீட்டு வேலை செய்வதில் 58 சதவீதம் பேர் புலம்புகின்றனர். பண பற்றாக்குறையை காரணம் கூறி 52 சதவீதம் பேர் புலம்புகின்றனர். சிறு விசயங்களை கூட பெரிதாக நினைத்து வருத்தப்படுவது இங்கிலாந்து மக்களுக்கு பழக்கமாக உள்ளது என பர்னெட் என்பவர் தெரிவித்துள்ளார்

கணவர்களை சந்தேகிக்கும் முஸ்லிம் பெண்கள் கட்டாரில் அதிகமாம்!

2010-11-23T03:52:00.000-08:00

முஸ்லிம் நாட்டில் கணவன்மார்களை சந்தேகிக்கும் பெண்களின் எண்ணிக்கை அதிகரித்து வருவதாக தி பெனின்சுலா பத்திரிகை தெரிவித்துள்ளது.கணவர்களை சந்தேகப்படுவது என்ற கருத்தில் உலக நாடுகள் அனைத்திலும் உள்ள

பெணகள் ஒற்றுமையாக இருப்பார்கள் போலும். கத்தார் நாட்டை சேர்ந்த பெண்கள் தங்கள் கணவர்கள் பயன்படுத்தும் பேனா, சிகரெட் லைட்டர்கள், மற்றும் பரிசுபொருட்கள் போன்றவற்றில் சிறிய வகை கேமராக்களை பொருத்திவைத்து உளவு வேலை பார்க்கின்றனர். அதுமட்டுமில்லாமல் கணவரின் நடவடிக்கைகளை வேவு பார்ப்பதற்காக குறிப்பிட்ட பெண்களையோ அல்லது தனக்கு உண்மையாக விளங்கும் நண்பிகளேயே இத்தகைய வேலைக்கு பயன்படுத்துவாதகவும், இப்படி செய்வதன் மூலம் தாங்கள் பாதுகாப்பாக இருப்பதை போன்று உணரமுடிகிறதாக பெண்கள் கூறுவதாக அந்த பத்திரிகை தெரிவித்துள்ளது.

பாம்பை மூக்கில் நுழைத்து சாகசம்

2010-11-23T03:45:00.000-08:00

சீனாவைச் சேர்ந்த ஒருவர் வேடிக்கையான பல சாகசங்களைப் புரிந்ததால் 'மிகுந்த பல்கலைத் திறமையுள்ள கலைஞர்' என்று தனது பெயர் உலகசாதனை புத்தகத்தில் பதியப்படும் என்று நம்பிக்கை கொண்டுள்ளார்.

தென்மேற்கு சீனாவின் குயிஸோ மாகாணத்தை சேர்ந்த யாங் குவாங் என்பவர் தன்னால் 30 விசித்திரமான சாகசங்களை நிகழ்த்த முடியும் எனத் தெரிவித்துள்ளார். அதை நிரூபிப்பதற்காக, அவர் ஹீனான் மாகாணத்திலுள்ள தலை நகரில் அனைத்து சாகசங்களையும் ஒரே நிகழ்ச்சியில் நிகழ்த்திக் காட்டியுள்ளார்.

எரியும் மின்குமிழ்கள் மீதேறி நிற்றல், கண் இமைகளில் கட்டி தண்ணீர் வாளியை தூக்குதல் ,தனது நாசியினுள் இலத்திரனியல் துளைக்கருவியை செலுத்துதல், கூர்மையான கத்தியின் முனை மீது நிற்றல், காரை தனது கண் இமையால் இழுத்தல் போன்ற சாகசங்களை அவர் புரிந்தார்.

அத்துடன், அவர் உயிருடன் உள்ள பாம்புக் குட்டியோன்றை தனது நாசித் துவாரத்தால் உள்ளே அனுப்பி தனது வாயிலிருந்து அந்தப் பாம்புக் குட்டியை இழுத்து, பார்வையாளர்களை அதிர்ச்சியடையச் செய்தார்.

அவரை போலவே வேறு சிலரும் இருக்கிறார்கள் என்பதை நிரூபிப்பதற்காக அவரின் காதலி வெங் மெய் (வயது 22 ) தனது கழுத்தில் அழுத்திப் பொருத்தப்பட்ட கத்தியோன்றின் மூலம் காரொன்றை இழுத்தமை குறிப்பிடத்தக்கது

உருளைக்கிழங்கை விண்ணில் ஏவி குழந்தைகள் சாதனை

2010-11-23T03:41:00.000-08:00

அமெரிக்காவின் ‘டிஸ்கவரி’ விண்கலம் திட்டமிட்டபடி புறப்படுவது மிக அரிது. கிளம்பும் நேரத்தில் எரிபொருள் டேங்க் சரியில்லை என்பார்கள். வெளியில் ஓடு கழன்று விழுந்துவிட்டது என்பார்கள்.

நாலைந்து நாள் கவுன்ட் டவுன் முடியப்போகும் நேரத்தில் விண்கல இன்ஜினை ஆஃப் செய்துவிட்டு இறங்கிவிடுவார்கள். இங்கிலாந்தில் சத்தமில்லாமல் ஒரு சாதனையை படைத்திருக்கிறார்கள் டேவன் கவுன்டியின் ஆஷ்பர்டன் நகரில் உள்ள ஆரம்பப்பள்ளி குழந்தைகள். குடித்துவிட்டு தூர தூக்கிப்போட்ட பழைய பிளாஸ்டிக் பாட்டில், ஒரு உருளைக்கிழங்கு, ஹீலியம் நிரப்பப்பட்ட அழுத்தமான பலூன்.. நூல் போட்டு கட்டினார்கள்.

காட்சிகளை பதிவு செய்ய ஒரு மினி கேமரா. எங்கே தரையிறங்குகிறது என கண்டுபிடிக்க ஜிபிஎஸ் கருவி. விறுவிறுவென ரெடியானது விண்கலம். குழந்தைகளாயிற்றே. உருளைக்கிழங்குக்கு கிறிஸ்துமஸ் தாத்தா போல மேக்கப் போட்டார்கள். வெள்ளை தாடி, மீசை, சிவப்பு தொப்பி.. ஜம்மென்று ரெடியாகிவிட்டார் சான்டாகிளாஸ் டிரைவர்.

பிளாஸ்டிக் பாட்டிலில் ‘அவரை’ வசதியாக உட்கார வைத்தார்கள். பள்ளிக்கு அருகே உள்ள பூங்காதான் ஏவுதளம். ‘‘லாஞ்ச் பண்ணலாமா மிஸ்’’ என்றனர் கோரசாக. ‘‘ஓகே கண்ணுகளா’’ மிஸ் பச்சைக்கொடி அசைக்க.. பலூனை பறக்கவிட்டது மழலைப் பட்டாளம். ‘ஸ்புட்னிக்&2’ என்று பெயரிடப்பட்ட ‘விண்கலம்’ மெதுவாக உயரே கிளம்பத் தொடங்கியது. கைதட்டியும் உற்சாக குரல் எழுப்பியும் விடைகொடுத்து அனுப்பின குழந்தைகள். நூறு, இருநூறு அல்ல..90 ஆயிரம் அடி உயரம் (சுமார் 27 கி.மீ.) வரை சீராக பறந்தது.

பலூன் அதற்கு மேல் தாக்குப்பிடிக்க முடியவில்லை. டமார். தயாராய் விரிந்தது பாராசூட். கிறிஸ்துமஸ் தாத்தாவின் பாட்டில் விண்கலம் மெல்ல இறங்கத் தொடங்கியது. காற்றின் போக்கில் பறந்து 225 கி.மீ. தொலைவில் உள்ள ஹாம்ப்ஷயர் நகரில் தரையிறங்கியது. ஜிபிஎஸ் உதவியுடன் மிக துல்லியமாக விண்கலத்தை கண்டுபிடித்தனர் குழந்தைகள்.

விண்ணில் அது எடுத்த புகைப்படங்களை ஆச்சரியப்பட்டு ரசித்தனர். தங்களது ‘விளையாட்டு’ சிறப்பாக முடிந்ததில் அவர்களுக்கு அபரிமிதமான குஷி. சவாலான விஷயத்தை சர்வசாதாரணமாக சாதித்திருக்கும் வாண்டுகளை இங்கிலாந்தே பாராட்டுகிறது.

17 வயது பள்ளி மாணவனை பாலியல் பலாத்காரம் செய்த 10 பெண்கள்

2010-11-23T03:39:00.000-08:00

17 வயது பள்ளி மாணவனை, 10 பெண்கள் கடத்திச் சென்று பாலியல் பலாத்காரம் செய்துள்ளனர். பெண்களைக் கடத்திச் சென்று கற்பழிப்பதுதான் பெரும்பாலும் நடைபெறும் சம்பவமாகும். ஆனால் பப்புவா நியூ கினியா நாட்டில் மாணவனை, பெண்கள் கடத்திச் சென்று பலாத்காரம் செய்துள்ளனர்.

இது குறித்து அந்த நாட்டின் தெற்கு பிராந்திய போலீஸ் கமாண்டர் டெட்டி டெய் கூறியதாவது:

கடந்த வெள்ளிக்கிழமை மென்டியில் ஒரு பள்ளி மாணவனை பெண்கள் கும்பல் ஒன்று கத்தியால் தாக்கி கடத்திச் சென்றது.

இந்த செயலைச் செய்தவர்கள் யார் என்று போலீசார் தீவிர விசாரணை நடத்தி வருகின்றனர். 10க்கும் மேற்பட்ட பெண்கள் அம்மாணவனை கத்தியால் தாக்கியுள்ளனர். மேலும், 4 பெண்கள் அவனுடன் பலவந்தமாக உடல் உறவு கொண்டுள்ளனர். மேலும் 6 பெண்கள், அவனை பலாத்காரம் செய்துள்ளனர். இதனால் அவனுக்கு எய்ட்ஸ் தாக்கி விடுமோ என்று அஞ்சுகிறோம்.

இதுதொடர்பாக விசாரணை நடத்தி வருகிறோம் என்றார் அவர்.

மதுபானச் சாலைக்கு வந்த வினோத விருந்தாளி

2010-11-22T11:25:00.000-08:00

அவுஸ்திரேலியாவில் ஒரு இரவு வேளை மதுபானச் சாலைக்குள் வழமைபோன்ற கூட்டம். அந்தக் கூட்டத்தின் நடுவே புகுந்தார் ஒரு விசித்திர விருந்தாளி. வேறு யாருமல்ல அவுஸ்திரேலியாவில் நன்கு பழக்கமான கோலா என்ற விலங்கு தான் உள்ளே புகுந்தது. கோலாவைக் கண்டதும் அங்கு பெரும் சந்தடி ஏற்பட்டது.

இந்த மதுபானச் சாலையின் உத்தரமொன்றில் ஏறியமர்ந்த கோலா அங்கு அப்படியே உறங்கிவிட்டது. கடந்த சனிக்கிழமை இரவு குயின்ஸ்லாந்தின் மக்னடிக் தீவில் உள்ள மர்லின் மதுபானச் சாலையில் தான் இந்த வினோதம் இடம்பெற்றது.

கெவின்மார்டின் என்ற ஊழியருக்கு அருகில் வந்து அவரை ஒரு முறைமுறைத்துவிட்டு பக்கத்தில் இருந்த பலகைத் தூண் வழியாக மேலே ஏறி உத்தரத்தில் உறங்கிவிட்டது. “என்ன வேண்டும் உங்களுக்கு இங்கே வருவதற்கான அடையாள அட்டை இருக்கின்றதா என்று கேட்டேன் அதுதான் அவருக்குக் கோபம் வந்து முறைத்துவிட்டார்” என்று அந்த ஊழியர் நகைச்சுவையாகக் கூறினார்.

பின்னர் வனஇலாகா ஊழியர்கள் வரவழைக்கப்பட்டு கோலா அங்கிருந்து அப்புறப்படுத்தப்பட்டது. அவர்கள் அதைக் கொண்டுபோய் தீவின் வேறு ஒரு பகுதியில் சுதந்திரமாக விட்டுவிட்டனர். வெளியே மழை பெய்துகொண்டிருந்ததால் வேறு வழியின்றி உள்ளே வந்த கோலா உள்ளே சீதோஷ்ண நிலை பிடித்துப் போகவே உறங்கிவிட்டது என்று சிலர் கூறினர்

சூடு பிடிக்கும் எலி விற்பனை!-(Photos &Vedio)

2010-11-22T11:21:00.000-08:00

ஆபிரிக்காவின் வறிய தேசமான மொசாம்பிக் என்ற கிராமத்தில் உள்ள மடம்பா என்ற சமூகத்தினர் எலிகளை பிடித்து தாங்கள் சாப்பிடுவது போக மீதியை தெருவோரங்களில் விற்பனை செய்து வருகின்றார்கள்.

ஒரு குச்சியில் ஆறு அல்லது ஏழு நெருப்பில் வறுக்கப்பட்ட எலிகளை 30 சதத்துக்கு விற்பனை செய்கின்றார்கள். ஒவ்வொரு எலி பிடிப்பவரும் தினமும் குறைந்தது 3 டொலர்களை வருமானமாகப் பெற்றுக் கொள்கின்றனர். இந்தத் தொகையை வறிய தேசத்தில் வாழ்பவர்களான அவர்கள் பெரிய தொகையாகக் கருதுகின்றார்கள்.

ஆயுளை அதிகரிக்கும் மருந்துவில்லை

2010-11-22T11:15:00.000-08:00

மனித ஆயுளை சுமார் 10 ஆண்டுகள் வரை நீடிக்கக்கூடிய மருந்துவில்லையைக் கண்டுபிடித்துள்ளதாக அமெரிக்காவின் ஹாவர்ட் மருத்துவ கல்லூரி ஆராய்சியாளர்கள் தெரிவிக்கின்றனர்.

இன்னும் ஆய்வு நிலையில் உள்ள இந்த மருந்து விரைவில் விற்பனைக்கு வரவுள்ளது.

முதுமையைத் தடுத்து மனிதனின் ஆயுளை நீடிப்பதற்கான வழிமுறைகள் பற்றி அமெரிக்காவின் ஹாவர்ட் மருத்துவ கல்லூரி ஆய்வாளர்கள் ஆய்வு ஒன்றை நடத்தி வருகின்றனர்.

' செர்டுயின் ' என்ற ஜீனே முதுமையை கட்டுப்படுத்துகின்றது. இதனைத் தூண்டும் மருந்தினையே ஆராய்ச்சியாளர்கள் தற்போது உருவாக்கியுள்ளனர்.

ஒரு மாத்திரையை உட்கொள்ளும் போது, வயதானாலும் நினைவாற்றல் குறையாது, உடல் உறுப்புகள் தளராது, மாரடைப்பு ஏற்படாது என ஆய்வில் தெரிவிக்கப்படுகின்றது.

விலங்குகள் மற்றும் மனிதர்களிடமும் இந்த மருந்து பரிசோதிக்கப்பட்டுள்ளதுடன், இதுவரை எந்த பக்கவிளைவுகளையும் இது ஏற்படுத்தவில்லை.

ஆனால் ஆயுளை மேலும், மேலும் நீடிக்க இதைத் தொடர்ந்து சாப்பிட்டால் பின்விளைவுகள் ஏற்படலாம் என ஆராய்ச்சியாளர்கள் தெரிவிக்கின்றனர்

இரத்தத்தில் சர்க்கரையை கண்டுபிடிக்க நவீன பரிசோதனை

2010-11-22T11:11:00.000-08:00

ரத்தத்தில் கடந்த மூன்று மாத காலமாக ஏறி இறங்கும் சர்க்கரையின் சராசரி அளவுகோல். இது எப்படி கண்டறியப்படுகிறது என்றால், நம் ரத்தத்தில் உள்ள சிவப்பணுக்களிலிருந்து பிரித்தெடுத்து பரிசோதனை செய்யப்படுகிறது. hba1c இதுவரை ஒருவருக்கு சர்க்கரை கட்டுப்பாட்டில் உள்ளதா, இல்லையா என்று கண்டறிய செய்யப்பட்டு வந்தது. இப்போது இதே பரிசோதனை ஒருவருக்கு சர்க்கரை நோய் உள்ளதா என்று கண்டுபிடிக்க முடியும் என்று அமெரிக்க சர்க்கரை நோய் கழக ஆய்வில் சர்வதேச சர்க்கரை நோய் நிபுணர்கள் அறிவித்துள்ளனர்.

எந்த நேரம் வேண்டுமானாலும் பரிசோதனை செய்து கொள்ளலாம். ஒரே ரத்த பரிசோதனை மூலம் சர்க்கரை உள்ளதா? இல்லையா என்று கண்டறிய முடியும். இரண்டு அல்லது மூன்று வேளை ரத்த பரிசோதனை செய்ய வேண்டிய அவசியமில்லை. இந்த பரிசோதனை முடிவு 6.5 சதவீதத்துக்கு மேல் இருந்தால் சர்க்கரை உள்ளது என்று உறுதி செய்யலாம். 6 முதல் 6.5 சதவீதம் வரை இருந்தால் சர்க்கரை நோய் வரும் வாய்ப்பு உள்ளது என்று தெரிந்து கொள்ளலாம். 6 சதவீதத்துக்கு கீழ் இருந்தால், சர்க்கரை இல்லை என்று கூறலாம். சர்க்கரை அளவு உண்ணும் உணவை பொருத்து மாறுபடும்.

பரிசோதனைக்கு முன் கொஞ்சம் அதிகமாக சாப்பிட்டாலும் சர்க்கரை அதிகமாக காட்டும். இதை வைத்து கொண்டு ஒருவருக்கு சர்க்கரை உள்ளது என்று தீர்மானம் செய்யக் கூடாது. இதனால் தான் இந்த புதிய பரிசோதனை முக்கியத்துவம் வாய்ந்தது. இந்த பரிசோதனை அதிநவீன கருவிகளாக பயோரேட் d-10 அல்லது immunoturbidometry முறைகளில் செய்யப்பட வேண்டும். சாதாரண முறையில் செய்தால் அது ஏற்றுக் கொள்ளப்பட முடியாது.

நார்சத்து நிறைந்த உணவு. உதாரணம்: நான்கு இட்லி சாப்பிடுவதற்கு பதில் மூன்று இட்லி, ஒரு கப் காய்கறி பொரியல், ஒரு கப் கூட்டு, ஒரு கப் சுண்டல், காய்கறி சாலட், பழ சாலட் சாப்பிடுவதால், சாப்பிட்ட பின் சர்க்கரை 240 மி.கி.,லிருந்து 170 மி.கி., குறைந்துள்ளது. இந்த உணவு முறையே நமது ரிசார்ட் மருத்துவமனையில் வழங்கப்படுகிறது. காய்கறி சேர்த்து சாப்பிடுவது இட்லி ஜீரணமாகும் தன்மை குறைந்து சர்க்கரை மெதுவாக ஏறுகிறது. நார்சத்து குறைந்த பாலிஷ் செய்யப்பட்ட அரிசி நல்லதல்ல.

இந்த மாதிரி உணவு சாப்பிட்டால், குறைவான அளவு இன்சுலின் இருந்தாலும் சர்க்கரை ஏறாது. தொடர்ந்து உடற்பயிற்சி செய்பவர்களுக்கு, இன்சுலின் வேலை செய்யும் திறன் அதிகம். இதனால் உடலில் குறைந்த அளவு இன்சுலின் இருந்தாலும் அது முழுமையாக திறமையாக பணி செய்ய முடியும். இன்சுலின் தசைகளுக்குள் உள்ளே குளுகோஸ் செல்ல உதவுகிறது மற்றும் தசைகளுக்குள் சென்ற குளுகோஸை சக்தியாக மாற்றுவது இன்சுலினின் முக்கிய பணி. சுரக்கும் இன்சுலின் 30 – 40 சதவீதம் தசைகளில் தான் வேலை செய்கிறது. இதற்கு உடற்பயிற்சி அவசியம்.

கம்ப்யூட்டர் கேம்ஸ்க்கு தடைபோட்டதால் தாயை கொன்ற 15 வயது மகன்

2010-11-21T11:30:00.000-08:00

தென் கொரியாவை சேர்ந்த 15 வயது சிறுவன், எப்போதும் கம்ப்யூட்டர் கேம்ஸ் விளையாடிக்கொண்டிருப்பான். அவன் படிக்காமல் எப்போதும் கம்ப்யூட்டரில் கேம்ஸ் விளையாடியது அவனது 43 வயது தாயாருக்கு பிடிக்கவில்லை. அடிக்கடி மகனை கண்டிப்பார். இதனால் இருவருக்கும் இடையே சண்டை நடப்பது வழக்கம்.

சம்பவத்தன்று கம்ப்யூட்டர் கேம்ஸ் விளையாடக்கூடாது என்று சொல்லி மகனை தாயார் திட்டினார். இதனால் கோபம் அடைந்த அவன், தன் தாயை அடித்து கொன்றான். பிறகு அவன் தூக்கு போட்டு தற்கொலை செய்து கொண்டான்.

செக்ஸ் ரோபோட்களை தயாரிக்கும் அமெரிக்கா..!!

2010-11-21T11:28:00.000-08:00

அமெரிக்காவை சேர்ந்தவர் டக்ளஸ் ஹைன்ஸ். 48 வயதான இவர் ஒரு செக்ஸ் ரோபோட்டை உருவாக்கி இருக்கிறார். இந்த ரோபோட்டுக்கு ராக்சி என்று பெயர் சூட்டி இருக்கிறார். இது 5 அடி 6 அங்குலம் உயரம் உள்ளது. சிலிகானை கொண்டு தயாரிக்கப்பட்டு உள்ளது. இந்த ரோபோட் பேசவும் செய்யும். இந்த ரோபோட்டை இங்கிலாந்து நாட்டுக்கு விநியோகிப்பது தொடர்பாக பேச்சுவார்த்தை நடத்தி வருகிறார்.

இதற்கிடையில் இன்னொரு அமெரிக்கரும் செக்ஸ் ரோபோட்டை தயாரித்து ஏற்றுமதி செய்து இருக்கிறார் அவர் பெயர் ஸ்காட் மெக்லீன். இவர் செக்ஸ் ரோபோட் தயாரிப்பதை அறிந்ததும் இங்கிலாந்து நாட்டை சேர்ந்த பலர் இவரை தொடர்பு கொண்டு தங்களுக்கு விற்கும்படி கேட்டனர். அவர்களுக்காக செக்ஸ் ரோபோட்டுக்களை உருவாக்கி வருகிறேன்.

இது பற்றி அறிந்ததும்இ ஐரோப்பிய நாடுகளில் இருந்தும், ரஷியா, தென்கொரியா ஆகிய நாடுகளில் இருந்தும் செக்ஸ் ரோபோட் வேண்டும் என்று கேட்டு ஆர்டர்கள் குவிந்தன. சிலர் எங்களுக்கு ஏஞ்சலீனா ஜோலி போல பமீலா ஆன்டர்சன் போல மைக்கேல் ஜாக்சன் போல ரோபோட்டுக்கள் வேண்டும் என்று கேட்டனர். பிரபலங்களின் அனுமதி இல்லாமல் அவர்களை போன்ற மாடல்களை செய்து தர முடியாது என்று கூறி விட்டேன் என்கிறார் மெக்லீன்

Home Page Link

யானை முகத்துடன் பிறந்த பன்றிக்குட்டி!

2010-11-21T10:56:00.000-08:00

ஒரு பன்றிக்குப் பிறந்த குட்டி யானை முகத்துடனும் தும்பிக்கையுடனும் பிறந்துள்ளது. இந்த அதிசயப் பன்றிக்குட்டி சீனாவில் பிறந்துள்ளது. இந்தப் பன்றிக்குட்டியைப் பார்க்க இப்போது மக்கள் படையெடுத்து வருகின்றனர். இதன் உடல்வாகு வழமையான பன்றிகள் போல்தான் உள்ளது. ஆனால் காதுகள் மிகவும் பெரிதாக உள்ளன. தும்பிக்கைதான் பெரிய அதிசயம். மொத்தத்தில் இந்தப் பன்றிக்குட்டி கிட்டத்தட்ட ஒரு யானைக் குட்டி போல் காட்சியளிக்கின்றது.

எலியின் கடும் குங்பூ தாக்குதல்!(காணொளி இணைக்கப்பட்டுள்ளன)

2010-11-21T10:53:00.000-08:00

குங்பூ பண்டா பழைய கதை. இது குங்பூ ஹெம்ஸ்டர். ஒரு வகை வாலில்லா பெரிய எலி. இது ஒரு செல்லப்பிராணி. ஆனால் ரஷ்ய இளைஞர்கள் இருவரை அண்மையில் தாறுமாறாகத் தாக்கியுள்ளது. சோளப்பண்ணையொன்றில் உலாவச் சென்ற போதுதான் இளைஞர்களுக்கு இந்த அனுபவம் ஏற்பட்டது.

ஒருவருக்கு ரத்தமும் வந்துவிட்டது. ஒருவாறாக இவர்கள் தப்பி வந்துவிட்டனர். இந்த ஹெம்ஸ்டர் ஒரு தாயாக இருக்கலாம் தனது குஞ்சுகளுக்கு ஆபத்து ஏற்படலாம் என்ற அச்சத்தில் வெளி நபர்களை முன்கூட்டியே தாக்கியிருக்கலாம் என்று நம்ப்ப்படுகின்றது.

முகத்தில் மசாஜ் செய்தால் மன அழுத்தம் குறையும்

2010-11-21T10:48:00.000-08:00

முகத்தில் மசாஜ் செய்தால், மன அழுத்தம், ஞாபகமறதி, உறக்கமின்மை உள்ளிட்ட பிரச்னைகள் தீரும் என்று ஆய்வில் தெரியவந்துள்ளது. உடலில் ஏற்படும் வலி உள்ளிட்ட பிரச்னைகளை தீர்ப்பதற்கு, உடலில் மசாஜ் செய்து கொள்கின்றனர். அதேபோன்று, முகத்தில், மசாஜ் செய்தால், மன அழுத்தம், ஞாபகமறதி, உறக்கமின்மை போன்ற பிரச்னைகளை தீர்த்து கொள்ளலாம் என்று பிரிட்டன் மருத்துவ விஞ்ஞானிகள் கண்டுபிடித்துள்ளனர். இந்த முறைக்கு "பேஷியல் ரெப்பிளக்சாலஜி' என்று பெயரிடப்பட்டுள்ளது.

மசாஜ், சீனாவின் அக்குபஞ்சர் மருத்துவமுறையின் அடிப்படையில் உருவாக்கப்பட்டதாகும். மசாஜ் செய்வதன் மூலம், உடலின் முக்கிய மையங்கள் தூண்டப்பட்டு, ரத்த சுழற்சி சீராகிறது. அதேபோன்று முகத்தில் மசாஜ் செய்வதன் மூலம் உடலில் ரத்தம் ஓட்டம் சீராகி, பல்வேறு பிரச்னைகளுக்கு தீர்வு ஏற்படுகிறது.

முகத்தில், எண்ணற்ற ரத்த நாளங்கள் உள்ளன. உடலில் உள்ள முக்கிய பகுதிகளை கட்டுப்படுத்தக்கூடிய ரத்த நாளங்களும் இதில் அடக்கம். எனவே, முகத்தில் சீராக மசாஜ் செய்யும் போது, அந்த ரத்த நாளங்கள் தூண்டப்பட்டு, ரத்த ஓட்டம் சீராகிறது. இதனால், மன அழுத்தம் போன்ற பிரச்னைகள், ஞாபகமறதி, உறக்கமின்மை உள்ளிட்ட பிரச்னைகள் தீர்க்கப்படுகின்றன. தற்போது, பிரிட்டனில் தற்போது, 35 பேர் "பேஷியல் ரெப்பிளக்சாலஜி' பயிற்சி பெற்று வருகின்றனர்.

எவரெஸ்ட் உச்சியை தொட துடிக்கும் நேபாள சிறுவன்

2010-11-21T10:44:00.000-08:00

இளம் வயதில் எவரெஸ்ட் சிகரத்தின் உச்சியை தொட்டு சாதனை படைக்க, 9 வயது நேபாள சிறுவன் ஒருவன் தீவிரமாக முயற்சி செய்து வருகிறான். அமெரிக்காவை சேர்ந்த ஜோர்டான் ரொமேரோ என்ற 13 வயது சிறுவன் கடந்த மே மாதம், 6,000 மீட்டர் உயரம் கொண்ட எவரெஸ்ட் சிகரத்தின் உச்சியை அடைந்து சாதனை படைத்தான். அந்த சாதனையை முறியடிக்கும் விதத்தில், நேபாள சிறுவன் செட்டன் ஷெர்பா எவரெஸ்ட் சிகரத்தின் உச்சியை அடையே தீவிர முயற்சி மேற்கொண்டிருக்கிறான்.

தற்போது, அவனுக்கு 9 வயதாகிறது. ஆனால், நேபாள சட்டத்தின்படி, மலை ஏறுவதற்கு, 16 வயது பூர்த்தியாகி இருக்க வேண்டும். ஆனால், ஷெர்பாவின் தந்தை பெம்பா டோர்ஜ் ஷெர்பா, தனது மகன் 10 வயதில் மலை ஏறுவதற்குஇ நேபாள அரசிடம் சிறப்பு அனுமதியை பெற்றுள்ளார். அதன்படி, அடுத்த வரும் ஏப்ரல் மாதம் எவரெஸ்ட் சிகரத்தின் மீது ஷெர்பா ஏற உள்ளனான். அதற்காக இப்போதே தீவிரமாக தயாராகி வருகிறான். மிக இளம் வயது சாதனையாளராக தனது மகன் வர வேண்டுமென்பது தான் தனது லட்சியம் என்று பெம்பா டோர்ஜ் கூறுகிறார். எனினும், நேபாள சுற்றுலாத்துறை அமைச்சக அதிகாரிகள்இ 16 வயதிற்கும் குறைவான வயதுடையோருக்கு மலை ஏறுவதற்காக அனுமதியை அளிக்க கூடாது என்று எதிர்ப்பு தெரிவித்துள்ளனர்

கவர்ச்சியான உடலால் பொலிஸ் உத்தியோகத்தை இழந்த அழகி

2010-11-21T08:33:00.000-08:00

நோர்வேயில் பொலிஸ் உத்தியோகஸ்தராக பணியாற்றுவதற்கு விரும்பிய மொடல் அழகியான கெத்தரின் அஷிமாவின் விண்ணப்பம் பொலிஸ் அதிகாரிகளால் நிராகரிக்கப்பட்டுள்ளது. அஷிமா அதிக கவரச்சியான உடலை கொண்டிருப்பதும் நிர்வாணமாக போஸ் கொடுத்ததுமே இதற்குக் காரணங்களாம்.

28 வயதான கெத்தரின் தாதியாக தொழில் புரிவதுடன் பகுதி நேர மொடலாகவும் பணியாற்றுகிறார். அவர் பொலிஸ் அதிகாரியாக வேண்டும் என்ற எண்ணத்தில் நோர்வே தலைநகர் ஒஸ்லோவில் உள்ள பொலிஸ்தலைமையகத்திற்கு விண்ணப்பித்தார். ஆனால் பொலிஸ் அதிகாரிகள் அந்த விண்ணப்பத்தை நிராகரித்து விட்டனர்

அழகான வளைவுகள் கொண்ட பெண்ணான கெத்தரினின் உடற்திடநிலை மற்றும் மருத்துவ பரிசோதனைகள் சார்பானதாக அமைந்தன. ஆனால் அவர் இறுதி நேர்முகத் தேர்வில் கலந்துக் கொண்ட போது, அவர் நிர்வாண மொடலாக பணியாற்றியமை குறித்து தேர்வு அதிகாரிகள் கேள்வி எழுப்பியபின் அவரை நிராகரித்துவிட்டனர் நான் பரீட்சைகளில் அதிக புள்ளிகளுடன் சித்தியடைந்து விட்டேன். ஆனால் அவர்கள் எனது மொடலிங் தொழில் தீவிர வலதுசாரி அமைப்பில் அங்கம் வகிப்பது போலானது என்று கூறினார். இது உண்மையில் மோசமான அரசியல்தனமான கருத்தாகும் என்று உள்நாட்டு ஊடகம் ஒன்றுக்கு அவர் தெரிவித்துள்ளார். இவர் விலங்கு பாதுகாப்பு அமைப்பான பெட்டாவின் பிரசாரங்களில் ஈடுபட்டதாக கூறுகிறார்.

இத்தீர்மானத்திற்கு எதிராக கெத்தரின் போராடுவதாக அவரின் சட்டத்தரணி ஜேன் கிறிஸ்டியன் கூறியுள்ளார்எனினும் கெத்தரின் தேர்வு செய்யப்படாமைக்கு அவரின் மொடலிங் தொழில் காரணமல்ல என பொலிஸ் தலைமை அதிகாரி தெரிவித்துள்ளார். வேலை ஊக்கம், பொலிஸாரின் பணி குறித்த விளக்கம், பொது அறிவு என்பன குறைவாக இருந்தமையாலேயே அவர் நீக்கப்பட்டதாக மேற்படி அதிகாரி தெரிவித்துள்ளார். ஆனால் நேர்முகத் தேர்வுக் குழுவிலிருந்த பெண் அதிகாரியொருவர் எனது நிர்வாண புகைப்படமொன்றை முகத்துக்கு நேரே காட்டியபோது தனக்கு இந்த வேலை கிடைக்காது என தான் உணர்ந்து கொண்டதாக கூறுகிறார் கெத்தரின் அழகான உடல் இருந்தால் பொலிஸ் உத்தியோகஸ்தராக பணியாற்ற முடியாது என பொலிஸார் சிலர் எண்ணுவது மோசமானது. மொடலாக இருப்பதில் நான் வெட்கப்படவில்லை. அந்த புகைப்படங்களில் நான் பிரச்சினை எதையும் காணவில்லை. அந்த பெண் அதிகாரி பொறாமை கொண்டிருந்திருப்பார் போலும் எனவும் கெத்தரின் தெரிவித்துள்ளார்.

ஏலத்தில் உலகசாதனை படைத்த அரியவகை வைரம்!

2010-11-21T08:29:00.000-08:00

உலகிலேயே மிகவும் அரிய வைரங்களிலொன்று 46 மில்லியன் அமெரிக்க டொலருக்கு (29 மில்லியன் ஸ்ரேலிங் பவுண்) ஏலத்தில் விற்பனையாகி சாதனை படைத்துள்ளது.

இது இதுவரை ஆபரணமொன்றுக்கு வழங்கப்பட்ட அதிகூடிய விலையாகும். இந்த இளம் சிவப்பு நிற 24.78 கரட் வைரமானது ஜெனிவாவில் இடம்பெற்ற ஏலவிற்னையில் விலை போயுள்ளது. இந்த வைரம் 60 ஆண்டுகளுக்கு முன்னர் அமெரிக்க நியூயோர்க் நகைக் கடை உரிமையாளரால் விற்கப்பட்டது.

இதற்கு முன் 2008 ஆம் ஆண்டு 15.2 மில்லி யன் ஸ்ரேலிங் பவுணுக்கு விற்பனையான 35.56 கரட் வைரமே அதி கூடிய விலைக்கு விற்பனையான நகையாக கருதப்பட் டது.

விசித்திரமான தேனீ மனிதர்கள்..!!

2010-11-21T08:28:00.000-08:00

இந்த படங்களில் நீங்கள் பார்ப்பது ஒரு சீனாவில் உள்ள தேனீப் பண்ணையின் தலைவர் தன் நிறுவன பெண் ஊழியர் ஒருவருடன் உடம்பு முழுதும் தேனீக்கள் மொய்க்க உற்சாகமாக காமேராவிற்கு போஸ் கொடுக்கும் காட்சியைத் தான்.

ஒரு தேனீ ரீங்காரிமிட்டுக் கொண்டு வந்தாலே அதை துரத்துவதிலும் தப்பித்து ஓடுவதிலும் மனிதர்கள் முனைப்புக் காட்டும் போது முகத்திற்கு மட்டும் சிறிதளவு இடம் விட்டு விட்டு முழுவதும் பல ஆயிரக்கணக்கான தேனீக்களுடன் சிரிக்கும் இவர்களை பார்க்கும் போது வியப்பாகவும், பயமாகவும் இருக்கிறது. ஆனால் இருவரிடத்திலும் எந்த விதமான அசௌகரியமோ , பயமோ ஏற்பட்டதாகத் தெரியவில்லை. தேனீக்கள் ஒன்றும் செய்யாது என்ற உறுதியான எண்ணம் இருவரின் மனங்களிலும் இருப்பது மட்டும் கண்களில் தெளிவாகத் தெரிகிறது. எது எப்படியோ நம்மால் இதனை நம்ப முடியவில்லை. இதற்காக தனியான பயிற்சி ஏதும் எடுத்திருப்பார்களோ என்றே தோன்றுகிறது

புதிதாக பிறந்த குழந்தைகளும் கனவு காண்கின்றன'! ஆய்வு

2010-11-21T08:22:00.000-08:00

புதிதாக பிறந்த குழந்தைகளும் கனவு காணும்' என பிரிட்டன் விஞ்ஞானிகள் கண்டறிந்துள்ளனர். மனித மூளையில், ஞாபக சக்திக்கென தனிப் பிரிவு உள்ளது.

நியூரான்கள் மூலம் இணைக்கப்பட்டுள்ள இப்பகுதியின் உதவியில்தான், நடந்தவற்றையும், எதிர்காலம் பற்றியும் காட்சி வடிவங்களில் நாம் நினைத்துப் பார்க்க முடிகிறது. ஞாபக சக்திக்கு மூளைகளில் உள்ள நியூரான்கள் முக்கியப் பங்காற்றுகின்றன.

"புதிதாக பிறந்த குழந்தைகளில், மூளை வளர்ச்சி இல்லை குழந்தைகளுக்கு நினைவாற்றல் கிடையாது கனவு வராது என விஞ்ஞானிகள் கூறி வந்தனர். இதுபற்றி, லண்டன் இம்பிரியல் காலேஜில் உள்ள எம்.ஆர்.சி., கிளினிகல் சென்டர் விஞ்ஞானிகள் ஆய்வு நடத்தினர். இதற்காக, பிறந்து எட்டு மாதம் முதல் 12 மாதங்கள் வரையுள்ள குழந்தைகள் ஆய்வில் ஈடுபடுத்தப்பட்டன.

ஆய்வுக் குழுவின் தலைவர் டேவிட் எட்வர்ட்ஸ் இதுகுறித்து கூறியதாவது:

வயது வந்த மனிதனின் மூளை போன்று, குழந்தைகளின் மூளையும் நன்கு வளர்ச்சி அடைந்துள்ளது. கடந்த காலம் மற்றும் எதிர்காலம் பற்றியும் குழந்தைகள் கனவு காண்கின்றன. மூளையில் உள்ள நியூரான்கள் அனைத்தும் நல்ல முறையில் இயங்குவதால், நடந்து முடிந்த சம்பவங்களை காட்சி வடிவில் நினைவில் வைத்துக் கொள்கின்றன.

குழந்தைகளுக்கும் பகல் கனவு ஏற்படுகிறது. ஏதாவது ஒரு செயலில் ஈடுபட்டிருக்கும்போது, குழந்தைகளின் ஞாபக சக்தி மையம் மெதுவாகவும், தூங்கும் சமயங்களில் அதிக அளவிலும் இயங்குகிறது. இவ்வாறு டேவிட் எட்வர்ட்ஸ் கூறினார்.

மூன்று வயது குழந்தையை கற்பழித்து கொன்ற காமுகன்

2010-11-21T08:15:00.000-08:00

மூன்று வயது குழந்தையை கற்பழித்து கொலை செய்த காமுகனுக்கு, விழுப்புரம் கோர்ட் இரட்டை ஆயுள் தண்டனை விதித்தது. அவன் சாகும் வரை தண்டனை அனுபவிக்க வேண்டுமென நீதிபதி தீர்ப்பளித்தார்.

விழுப்புரம் மாவட்டம் திண்டிவனம் காவேரிப்பாக்கத்தைச் சேர்ந்தவர் ராமச்சந்திரன். இவரது மகள் பவானி(3). கடந்த ஆண்டு நவ.,18ம் தேதி மாலை விளையாடச் சென்றவர் வீடு திரும்பவில்லை. பல இடங்களில் தேடி பார்த்த பின், மறு நாள் காலை நகராட்சி பள்ளி அருகே உள்ள முட்புதரில் பாலியல் பலாத்காரம் செய்து சிறுமி கொலை செய்யப்பட்டு கிடந்தார். திண்டிவனம் போலீசார் தீவிர விசாரணை நடத்தினர். இதில் சென்னை பல்லாவரம் ஜி.எஸ்.டி., சாலையைச் சேர்ந்த பிரபாகரன் மகன் துரைராஜ் (31) என்பவரை கடந்த ஆண்டு நவ., 23ம் தேதி கைது செய்தனர்.

மெக்கானிக் வேலை செய்த துரைராஜ், போதைப் பழக்கத்தோடு, பெண்கள் சகவாசம் இருந்ததால் எய்ட்ஸ் நோய் பாதித்து மனைவி மற்றும் குடும்பத்தினரை பிரிந்திருந்தார். கடந்த ஆண்டு நவ., 18ம் தேதி திண்டிவனம் சேடன் குட்டைத் தெருவில் உள்ள தனது தம்பி முருகன் வீட்டிற்கு வந்தார். திண்டிவனத்தில் மது அருந்திய துரைராஜ் போதையில் சுற்றித் திரிந்தார். நகராட்சி பள்ளி அருகே விளையாடிய குழந்தை பவானியை தூக்கிச் சென்று பலாத்காரம் செய்துள்ளார். அப்போது குழந்தை மூச்சுத் திணறி இறந்தது. இதனால், குழந்தையின் உடலை முட்புதரில் வீசியதை துரைராஜ் போலீசாரிடம் ஒப்புக் கொண்டான்.

துரைராஜ் மீது கற்பழிப்பு மற்றும் கொலை வழக்கு பதிந்து விழுப்புரம் மாவட்ட முதன்மை அமர்வு நீதிமன்றத்தில் போலீசார் ஆஜர் படுத்தினர். வழக்கை விசாரித்த முதன்மை நீதிபதி சின்னப்பன் நேற்று தீர்ப்பு வழங்கினார்.

குழந்தையை கற்பழித்த குற்றத்திற்கு ஆயுள் தண்டனையும், இயற்கைக்கு முரண்பாடான வகையில் குழந்தையை கற்பழித்து கொலை செய்த குற்றத்திற்கு மற்றொரு ஆயுள் தண்டனையும், கொலை செய்து தடயங்களை மறைத்த குற்றத்திற்கு மூன்று ஆண்டு கடுங்காவல் தண்டனையும், இவை அனைத்தையும் ஏக காலத்தில் அனுபவிக்க வேண்டுமென தீர்ப்பளித்தார்.

இந்த வழக்கில் சுப்ரீம் கோர்ட் விதித்த உத்தரவை மேற்கோள் காட்டிய நீதிபதி சின்னப்பன், மனிதநேயமற்ற வகையில் நடந்து குழந்தையை கொலை செய்த குற்றவாளியான துரைராஜ் சாகும் வரை தண்டனை அனுபவிக்க வேண்டும். அதுவரை தண்டனையில் எந்த குறைவும் இல்லாமல் முழுமையாக அனுபவிக்க வேண்டுமென உத்தரவில் தெரிவித்திருந்தார்

படுக்கை காட்சியில் நான் நடிக்கவில்லை -அசின் விளக்கம்

2010-11-21T08:11:00.000-08:00

சல்மான் கானுடன் படுக்கையறைக் காட்சியில் தான் நடித்துள்ளதாகக் கூறப்படுவதில் உண்மையில்லை என்றும், ரெடி படத்தில் அப்படிப்பட்ட காட்சிகள் இடம் பெறாது என்றும் நடிகை அசின் தெரிவித்தார்.

தென்னிந்திய மொழிப் படங்களில் நடிகை அசின் குடும்பப் பாங்கான வேடங்களில் நடித்தார். ஆனால் இந்தியில் கவர்ச்சி காட்டினால்தான் நிலைக்க முடியும் என்பதால் லண்டன் ட்ரீம்ஸ் படத்தில் ஓரளவு கவர்ச்சியாக நடித்தார்.

ஆனால் அதற்கு அடுத்த படமான ரெடியில் அசினின் கவர்ச்சி கொஞ்சம் தூக்கலாகவே உள்ளது என்கிறார்கள்.

முத்தக் காட்சி, படுக்கையறைக் காட்சிகளில் அசின் நடித்துள்ளதாகவும் கூறப்பட்டது.

இந்தச் செய்திகள் பரவியதும், அவற்றை மறுத்து பேட்டியளித்தார் அசின்.

அவர் கூறுகையில், “கவர்ச்சிக்கும் கிளாமருக்கும் வித்தியாசதம் இருக்கிறது. நான் சற்று கிளாமராக ரெடியில் நடித்துள்ளேன். ஆனால் படுக்கையறைக் காட்சிகளிலெல்லாம் நடிக்கவில்லை. காவலன் படத்தில் கூட கிளாமராக வந்துள்ளேன் பாடல் காட்சிகளில். அதற்காக அதை ஆபாசம் என்று சொல்ல முடியுமா?” என்று கேட்டுள்ளார்.

நடந்து சென்ற சிறுமிக்கு லிப்டு கொடுத்து பாலியல் பலாத்காரம் செய்த நபர் தலைமறைவு!!

2010-11-21T08:03:00.000-08:00

பெர்க்ஷிரின் ரீடிங் பகுதியிலுள்ள நோர்தும்பெர்லாந்து அவென்யூவில் நடந்து வந்து கொண்டிருந்த ஒரு சிறுமிக்கு அவர் செல்லும் இடத்தில விடுவதாக கூறி தன் வண்டியில் இடம் கொடுத்த ஒருவன் திடிரென தெரியாத இடத்திற்கு கொண்டு சென்று அங்குள்ள சிறிய வண்டி நிறுத்துமிடத்தில் வைத்து சிறுமியை பாலியல் பலாத்காரம் செய்துள்ளான்.

தற்போது குற்றவாளியை போலீஸ் தேடி வருகிறது. இந்தக் குற்றத்தில் சம்பந்தப்பட்டவன் கருப்பினத்தை சேர்ந்த 18 முதல் 19 வயது மதிக்கத்தக்க மெலிந்த தேகமுடையவன் என போலீஸ் அடையாளங்களை வெளியிட்டுள்ளது. இந்த விடயத்தில் தகவலறிந்தவர்கள் யாராக இருப்பினும் காவல்துறைக்கு அதனை தெரிவித்து உதவுமாறு தலைமை காவலர் நிக் வாட்ஸ் அறிவித்துள்ளார்.

குற்றவாளியை விரைவில் கைது செய்ய வேண்டியது மிகவும் அவசியமாகிறது. மேலும் சில சிறுமிகளும் இது போன்ற விஷமப் பேர்வழிகளால் பாதிக்கப்படக் கூடும் என்பதால் துப்புத் துலக்க உதவுமாறு பொதுமக்களை காவல்துறை கேட்டுக் கொண்டுள்ளது.

கருவிலேயே கொல்லப்பட்ட 2 ஆயிரம் சிசுக்களின் உடல்கள் பாங்காக்கில் கண்டுபிடிப்பு!

2010-11-21T07:48:00.000-08:00

தாய்லாந்து நாட்டில் கருக்கலைப்பு சட்டவிரோதம் ஆகும். கற்பழிக்கப்பட்டதால் உருவான கர்ப்பம் மட்டும் கலைக்கப்படலாம். மற்றபடி காதல், கள்ளக்காதல் ஆகியவை மூலம் உருவான கருக்களை கலைப்பதற்கு அனுமதி கிடையாது. ஆனால் பாங்காக்கில் உள்ள ஒரு புத்தர் கோவிலில் உள்ள சவக்கிடங்கில் 2 ஆயிரம் கருக்கலைப்பு செய்யப்பட்ட சிசுக்களின் உடல்கள் வரிசையாக அடுக்கி வைக்கப்பட்டு இருப்பதை அதிகாரிகள் பார்த்து அதிர்ச்சி அடைந்தனர்.

கொல்லப்பட்ட இந்த 2 ஆயிரம் கருக்குழந்தைகளின் உடல்களும் கடந்த ஒரு ஆண்டாக அங்கு வைக்கப்பட்டு இருப்பது தெரியவந்தது. அவை தகனம் செய்வதற்காக அங்கு வைக்கப்பட்டு இருந்தன. கலைக்கப்பட்ட கருக்கள் பிளாஸ்டிக் பையில் அடைக்கப்பட்டு கட்டப்பட்டு இருந்தன. இந்த பிளாஸ்டிக் பைகளை அதிகாரிகள் எண்ணி 2 ஆயிரம் கருக்கள் கலைக்கப்பட்டு இருப்பதாக தெரிவித்தனர். கொல்லப்பட்ட கருக்குழந்தைகளின் ஆவிகளுக்காக அங்கு பால் ஊற்றப்பட்டு இருந்தது. வாழைப்பழம் வைக்கப்பட்டு இருந்தது.

தாய்லாந்து நாட்டில் செக்ஸ் தொழில் மிகப்பெரிய வளர்ச்சி பெற்று இருப்பதால் இவ்வளவு பெரிய அளவில் கருக்கலைப்புகள் செய்யப்பட்டு இருப்பதாக அதிகாரிகள் கருதுகிறார்கள்

மயிர்க்கூச்செறிய வைக்கும் சைக்கிளிங் வித்தை!(வீடியோ இணைப்பு)

2010-11-21T07:45:00.000-08:00

கரணம் தப்பினால் மரணம் என்பது முதுமொழி. ஆனால் டெனி மெகெஸ்கில் அதனைப் பொருட்படுத்துவதே இல்லை. ஆம், இவர் ஒரு பிரபல சைக்கிளிங் வித்தைக்காரராவார். நன்கு தேர்ச்சிப்பெற்ற இவரின் சைக்கிளிங் திறமையானது, அனைவராலும் பாராட்டப்படும் ஒன்றாகும். மயிர்க்கூச்செறியும் அவரது சைக்கிளிங் திறமையைப் பார்ப்பவர்களைப் பரவசப்படுத்துவது உறுதி

முன்னாள் முதல்வர் குமாரசாமிதான் என் கணவர்: குட்டி ராதிகா

2010-11-21T07:33:00.000-08:00

பிரபல தமிழ் நடிகை குட்டி ராதிகா அரசியல்வாதி ஒருவரை மணந்துகொண்டேன். ஒரு வயதில் எனக்கு குழந்தை இருக்கிறது’ என்று கூறியுள்ளார்.தமிழில் குட்டி ராதிகா‘இயற்கை’ படத்தில் ஹீரோயினாக அறிமுகமானவர்.

இதையடுத்து சில தமிழ் படங்களில் நடித்த இவர், கன்னடத்தில் கவனம் செலுத்த தொடங்கினார். இந்நிலையில், குட்டி ராதிகாவுக்கு கர்நாடகாவின் முன்னாள் முதல்வரும் மதசார்பற்ற ஜனதா தள கட்சித் தலைவருமான குமாரசாமியுடன் தொடர்பு இருப்பதாக கூறப்பட்டது.

இருவருமே இதை மறுத்து வந்தனர். இதனால் சினிமாவிலிருந்து ஒதுங்கி இருந்தார் ராதிகா. தற்போது 4 வருடங்களுக்கு பிறகு நடிகை குட்டி ராதிகா பெண் குழந்தையுடன் பொது நிகழ்ச்சிகளுக்கு வருகிறார். இந்நிலையில் கன்னட நாளிதழ் ஒன்றுக்கு அவர் அளித்துள்ள பேட்டியில், நானும் அவரும் திருமணம் செய்து கொண்டது நூற்றுக்கு நூறு உண்மை.

நான்கு வருடங்களுக்கு முன்பு திருமணம் நடந்த எனக்கு தற்போது பெண் குழந்தை ஒன்று உள்ளது. இந்த மாதம் 23ஆம் தேதி யுடன் குழந்தைக்கு ஒரு வருடம் நிறைவடைய உள்ளது. குமாரசாமியின் பெயரை நேரடியாகக் குறிப்பிடாமல், அவரை திருமணம் செய்துகொண்டதாக கூறியுள்ளார்.

இதில் எந்த ஒளிவு மறைவும் இல்லை. எனக்கு திருணம் ஆனதும் நான் லண்டன் சென்று விட்டேன். அவ்வப்போது அவர் வந்து செல்வார். 3 குழந்தைகள் உள்ளனர் என்பதில் உண்மை இல்லை. திருமணம் ஆன பிறகு, நான் பெங்களூர் மற்றும் மங்களூரை விட்டு எங்கும் செல்லவில்லை. மேலும் எனக்கு திருமணம் நடந்த சமயம் மிகவும் சிக்கலான நேரம் என்ற காரணத்தால் நான் திரையுலகை விட்டு விலகி விட்டேன். என்னால் அவருக்கு தொந்தரவு வரக் கூடாது என்பதே என் நோக்கம்.

எனது திருமணத்துக்கு அவரது குடும்பத்தை சேர்ந்தவர்கள் யாரும் வரவில்லை. வரும் சூழ்நிலையில் இல்லை. ரசிகர்களின் வேண்டுகோளுக்கு இணங்க, மீண்டும் திரையுலகிற்கு வர விரும்பினேன். ஆனால் அவர் அதை விரும்பவில்லை. ‘நடிக்க வேண்டாம். படம் தயாரிக்கலாம்’ என்று கூறிவிட்டார். எனவே படத்தயாரிப்பில் ஈடுபட உள்ளேன். ஒரு நல்ல கதை கிடைத்தால் அதில் நானும் நடிக்க தயாராக உள்ளேன். குழந்தைக்கு ஷமிகா கே. சாமி என்று பெயரிட்டுள்ளேன்.இவ்வாறு குட்டி ராதிகா கூறியுள்ளார்.

என்ன கொடும சரவணா..!!- கொஞ்சம் பாருங்கோ சிரிங்கோ!

2010-11-21T07:25:00.000-08:00

நீயா நானாவில் நடந்த ஒரு சுவாரசியமான சம்பவம் . கொஞ்சம் பழசு தான் ஆனால் நல்லாருக்குங்க… என்ன ஒன்னு சும்மா இருந்த சங்கை ஊதிக் கெடுத்த கதையாக, சும்மா இருந்த பொண்ணா தான் பெரிய பிகருனு நினைக்க வைச்சிட்டாங்கப்பா.. பாவம் அவங்க அப்பா அம்மா !!!

ஆனாலும் அந்தப் பைனுக்கும் பொண்ணுக்கும் ரொம்ப தில்லு தானுங்க… . !!! முடியல…

இரவு விளக்குகளால் பக்க விளைவுகள் - ஆய்வறிக்கை

2010-11-21T07:21:00.000-08:00

இரவு நேரத்தில் தூங்கும்போது, படுக்கை அறைகளில் குறைந்த ஒளியை உமிழும் இரவு நேர விளக்குகளை பயன் படுத்துவது பெரும்பாலானோரின் வழக்கமாக உள்ளது. ஆனால், இத்தகைய விளக்குகளால் பக்க விளைவுகள் ஏற்படும் என அமெரிக்காவில் உள்ள ஓகியோ பல்கலைக்கழகத்தின் நரம்பியல் விஞ்ஞானிகள் கண்டு பிடித்துள்ளனர்.

இரவு நேர மங்கலான அளவில் விளக்கு ஒளி இருந்தால் கூட, மூளைக்குள் ரசாயன மாற்றங்களை ஏற்படுத்துவதுடன், மூளையின் கட்டமைப்புகளையும் மாற்றிவிடும் என ஆய்வறிக்கையில் கூறியுள்ளனர். குறிப்பாக, குழந்தைகளின் படுக்கை அறைகளில் இத்தகைய விளக்குகள் தேவையில்லை என்ற அறிவுறுத்தி உள்ளனர். இது தொடர்பாக, எலிகளை வைத்து சோதனை செய்தபோது 8 வாரங்களில் அவற்றின் மூளையில் மாற்றங்கள் ஏற்பட்டது தெரிய வந்தது.

வயிற்றில் 1.83 மீட்டர் நீள பாம்பை சுமந்த பெண்

2010-11-21T07:07:00.000-08:00

அமெரிக்காவின் நியூயார்க் நகரில் 36 வயதுப் பெண்ணின் வயிற்றில் இருந்த பெரிய பாம்பை டாக்டர்கள் அறுவை சிகிச்சை மூலம் எடுத்துள்ளனர். அந்தப்பாம்பு உயிருடன் இருந்ததால் டாக்டர்களும் மருத்துவமனை ஊழியர்களும் பெரும் அதிர்ச்சியடைந்தனர்.

நியூயார்க்கைச் சேர்ந்த 36 வயதுப் பெண்மணியான பாடரிசியா ரோஜா என்பவர் கடும் வயிற்று வலியால் துடித்தார். இதையடுத்து அவரை அவரது கணவர் டேவிட் மருத்துவமனைக்கு கொண்டு வந்தார். அங்கு அவரை அனுமதித்த டாக்டர்கள் அவரது ஆடையை நீக்கி வயிற்றைப் பார்த்தனர். அப்போது வயிற்றுக்குள் ஏதோ நெளிவதைப்போல இருந்ததைப் பார்த்து அவர்கள் குழம்பினார்கள்.

அதேவேளை பாடரிசியா வலியால் துடித்ததுமல்லாது உட்கொண்ட உணவை வாந்தி எடுத்தார். அவரால் உட்காரக் கூட முடியவில்லை. இதைப்பார்த்து குழம்பிய டாக்டர்கள் எக்ஸ்ரே எடுத்துப் பார்க்க முடிவு செய்து, எக்ஸ்ரே எடுத்துப் பார்த்த போது டாக்டர்களுக்கு பெரும் அதிர்ச்சி காத்திருந்தது. காரணம் பாடரிசியாவின் வயிற்றில் ஒரு பாம்பு நெளிந்தபடி இருந்ததுதான்.

உடனடியாக பாடரிசியவுக்கு அறுவைச்சிகிச்சை மேற்கொண்டனர். அவரது வயிற்றுக்குள் சுதந்திரமாக சுற்றிக்கொண்டிருந்த அந்தப் பாம்பை வெளியே எடுத்தபோது அது உஷ் என்று சீறியபடியே வெளியே வந்தது. இதைப் பார்த்த நேர்ஸ் மயக்கமடைந்து கீழே விழுந்துவிட்டார். டாக்டர்களும் ஒருகணம் அதிர்ச்சியில் உறைந்து போயினர்.

அந்தப் பாம்பு குட்டியாக இருந்தபோதே பாடரிசியாவின் குடலுக்குள் புகுந்து, பாடரிசியா சாப்பிட்ட சாப்பாட்டிலிருந்து கொஞ்சம் கொஞ்சமாக எடுத்து உண்டு அதுவும் வளர்ந்திருக்கலாம். எப்படி அந்தப் பாம்பு பாடரிசியாவின் வயிற்றுக்குள் புகுந்தது என்பதுதான் டாக்டர்களுக்கு கொஞ்சம் கூட புரியவில்லை. ஆனால் சில காலத்திற்கு முன்பு பாடரிசியா சுற்றுலாச் சென்றவேளை ஆற்றுநீரை அள்ளிக் குடித்திருக்கிறார்.

அப்போது ஆற்று நீரில் இருந்த பாம்பு முட்டைகள் அவரது வயிற்றுக்குள் சென்று பொரித்து வளர்ந்து பெரிதாகியிருக்கலாம் என டாக்டர்கள் சந்தேகம் தெரிவித்துள்ளனர். பாடரிசியாவின் வயிற்றில் இருந்த பாம்பு வெள்ளை நிறமாகவும் , 1.83 மீற்றர் நீளமாகவும் உடலில் கறுப்புப் பட்டைகளுடனும் காணப்பட்டது.

ஏதோ திகில் படத்தைப் பார்த்தது போல அந்த மருத்துவமனை டாக்டர்கள் பெரும் அதிர்ச்சியில் ஆழ்ந்துள்ளனர். சமீப காலத்தில் இப்படி ஒருவரது வயிற்றுக்குள் பாம்பு குடியிருந்த சம்பவம் இதுவே உலகில் முதல் முறை என்று கூறப்படுகிறது. 16 ஆம் நூற்றாண்டில் பிரான்ஸ் நாட்டைச் சேர்ந்த ஒரு செருப்புத்தைக்கும் தொழிலாளிக்கு இப்படித்தான் கடும் வயிற்று வலி ஏற்பட்டது.

அதைப் பொறுக்கமுடியாமல் அவர் வயிற்றை கிழித்துக்கொண்டு இறந்து போனார். பின்னர் அவரைச் சவப்பெட்டிக்குள் வைத்து புதைத்துவிட்டனர். சில நாட்கள் கழித்து அந்தப் பெட்டிக்குள் இருந்து ஒரு பெரிய பாம்பு வெளியே வந்தது. அவரது வயிற்றில் இருந்த பாம்புதான் அது என பின்பு தெரிய வந்தது.

இதேபோல 1642 இல் ஜேர்மனியைச் சேர்ந்த காத்ரீனா என்ற பெண் 14 ஆண்டுகளாக தொடர்ந்து கக்கி வந்தார் என்பது அந்தக் காலத்தில் பரபரப்பாக பேசப்பட்ட சம்பவமாகும். இந்நிலையில் பல நூற்றாண்டுகளுக்குப் பின்பு, ஆரோக்கியம் மேம்பட்ட இந்த நவீன காலத்தில் ஒரு பெண்ணின் வயிற்றிலிருந்து பாம்பு வளர்ந்து வெளியே வந்திருப்பது பெரும் ஆச்சரியத்தை ஏற்படுத்தியுள்ளது.

15 வயது மாணவனை துஸ்பிரயோகம் செய்த 37வயது ஆசிரியை!

2010-11-21T07:04:00.000-08:00

தனது ஆசிரியையால் தான் எப்படி பாலியல் ரீதியாக துன்புறுத்தப்பட்டார் என்பதை 15 வயது மாணவன் ஒருவன் விளக்கியுள்ளான்.சவுத் போர்ட் பிரதேசத்துக்கு அருகில் உள்ள பேர்க்டேள் உயர் பாடசாலையின் விநியோகப் பிரிவு ஆசிரியை ஹினா படேல் அவரது தொலைபேசி இலக்கத்தை ஒரு தாளில் எழுதி இந்த மாணவனின் கரங்களில் திணித்துள்ளார்.

நீதிமன்ற விசாரணையின் போது இந்த மாணவன் இரண்டு பிள்ளைகளின் தாயான 37 வயதான மேற்படி ஆசிரியையோடு தனக்கு ஏற்பட்ட நள்ளிரவுஅனுபவத்தை விளக்கியுள்ளான். இந்தச் சந்தர்ப்பத்தில் ஆசிரியையின் பிள்ளைகள் இருவரும் அவர்களது தந்தையின் வீட்டில் தந்தையோடு உறங்கச் சென்றிருந்தனர்.இந்த மாணவனின் வயது கருதி அவனின் பெயர் வெளியிடப்படவில்லை.

மேல் மாடிக்கு எனது கையைப் பிடித்து அழைத்துச் சென்று கட்டிலில் படு மின்சாரப் போர்வை போர்த்திக்கொள்ளும் என்றார்.தற்போது 16 வயதான அந்த மாணவன் தனது அமைதியைக் கலைந்து பேசும் போது நான் மாடிக்குச் சென்று பார்த்தபோது அவரது பிள்ளைகளின் விளையாட்டுப் பொருள்கள் அந்த அறை முழுவதும் பரவிக்கிடந்தன.ஆசிரியையின் அறையிலும் டெடிபெயார்கள் காணப்பட்டன.

அந்த அனுபவம் ஒருவகையில் புதுமையானது.ஒரு ஆசிரியையிடமிருந்து எதிர்ப்பார்க்கப்படுவதல்ல.அதிகம் பேச்சு இருக்கவில்லை. நேரடியாக காரியத்தில் இறங்கினோம் என்று அந்த மாணவன் கூறினான். தனது பதவியைத் துஷ்பிரயோகம் செய்து பெப்ரவரி மற்றும் மார்ச் மாதங்களில் 15 வயதான இரு மாணவர்களுடன் பாலியல் துஷ்பிரயோகத்தில் ஈடுபட்டதாக ஹினா படேல் ஒப்புக்கொண்டுள்ளார்.மாணவர்களுள் பெரும்பாலானவர்கள் இவரை சரசக் காரி என்றே அடையாளம் கண்டிருந்தனர் என்றும் நீதிமன்றத்தில் தெரிவிக்கப்பட்டுள்ளது.

சுறுசுறுப்பாய் இருப்பவர்களுக்கு புற்று நோய் வரும் வாய்ப்பு மிகவும் குறைவு !

2010-11-20T00:39:00.000-08:00

சுறுசுறுப்பாய் இருப்பவர்களுக்கும், சுறுசுறுப்பான வாழ்க்கை முறையை அமைத்துக் கொள்பவர்களுக்கும் புற்று நோய் வரும் வாய்ப்பு மிகவும் குறைவு என ஜப்பானில் நிகழ்த்தப்பட்ட மிகவும் விரிவான ஆய்வு ஒன்று தெரிவிக்கிறது.

இந்த ஆய்வில் ஆண்களும், பெண்களுமாக சுமார் 80,000 பேர் ஈடுபடுத்தப்பட்டனர். பொதுவாக உடற்பயிற்சிக்கும் ஆரோக்கியத்துக்கும் இடையேயான தொடர்பையே ஆய்வுகள் முன்னிலைப்படுத்தும். இந்த ஆராய்ச்சி வெறும் உடற்பயிற்சியை மட்டும் கவனத்தில் கொள்ளாமல் ஆய்வு செய்யப்பட்ட நபரின் முழு வாழ்க்கை முறையையும் பரிசீலித்தது.

தினசரி வாழ்க்கையில் எப்படிப்பட்ட நிலையில் இயங்குகிறார் என்பதும், தினமும் உடலுக்கு எப்படிப்பட்ட வேலை தரப்படுகிறது என்பதும் கவனத்தில் இந்த ஆய்வு கவனத்தில் கொண்டது.

ஜப்பான் நாட்டில் நடத்தப்பட்ட இந்த ஆய்வு மக்களின் ஓய்வு, தூக்கம், உடற்பயிற்சி, உடல் உழைப்பு, தினசரி அலுவலின் தன்மை அனைத்தையும் கணக்கில் கொண்டு விரிவாக நடத்தப்பட்டது. இதன் முடிவில் தான் சுறுசுறுப்பான வாழ்க்கை எனில் புற்று நோய் பயத்தைக் குறைக்கலாம் எனும் முடிவு எட்டப்பட்டுள்ளது.

பொதுவாக இன்றைய நவீன உலகத்தில் உடலுழைப்புக்கு அதிகம் தேவையற்ற சூழலில் இந்த ஆராய்ச்சி முடிவு நம்மை சற்றே ஓடியாடி உழைக்க உற்சாகப் படுத்துகிறது எனலாம்.

உடலுக்குக் கொடுப்போம் தேவையான இயக்கம் – அதைக்

கொடுப்பதில் மனமே உனக்கென்ன தயக்கம் ?

நாடாளுமன்றத்தில் தாக்கிய லேடி (காணொளி இணைப்பு

2010-11-20T00:22:00.000-08:00

ஆர்ஜன்டீனா நாடாளுமன்ற பெண் உறுப்பினர் ஒருவர் தனது சக உறுப்பினர் ஒருவரின் கன்னத்தில் அறைந்ததால் அங்கு பெரும் பரபரப்பு ஏற்பட்டது. வரவு செலவுத்திட்ட வாதப்பிரதிவாதங்களின் போதே இச்சம்பவம் இடம்பெற்றுள்ளது. கிரசீலியா கமானோ என்ற அப்பெண் உறுப்பினர் ஆளும் காங்கிரஸ் கட்சியின் உறுப்பினரான கன்கெல் என்பவரின் கன்னத்தில் அறைந்துள்ளார். அதன் பிறகு அவர் வேகமாக நாடாளுமன்ற அறையை விட்டு வெளியேறியுள்ளார்.

இவர்கள் இருவருக்கும் இடையில் இடம்பெற்ற சூடான வாதப்பிரதிவாதங்களே இச்சம்பவத்திற்கு காரணமாக அமைந்துள்ளது. இது தொடர்பில் கமானோ கருத்து தெரிவிக்கையில், "கன்கெல் நீண்டநாட்களாக என்னைக் குறிவைத்துத் தாக்கி வருகின்றார். எனது சுயமரியாதையை பாதிக்கும் விடயங்களை நான் பொறுத்துக் கொள்ளப் போவதில்லை.இதற்காக தான் நான் அவரைத் தாக்கினேன்" எனத் தெரிவித்தார்.இச்சம்பவமானது அங்கு பெரும் சலசலப்பை உருவாக்கியுள்ளது.இது தொடர்பில் கன்கெல் ஒழுக்காற்று நடவடிக்கையும் மேற்கொள்ளமுடியும் என்பது குறிப்பிடத்தக்கது

நேர்கோட்டுப் பாதையில் இல்லாத பொருட்களைப் படம் பிடிக்க கமரா கண்டுபிடிப்பு

2010-11-20T00:18:00.000-08:00

நேர்கோட்டுப் பாதையில் இல்லாத பொருட்களைப் படம் பிடிக்கக்கூடிய கமராவை அமெரிக்க விஞ்ஞானிகள் கண்டுபிடித்துள்ளார்;கள். இந்தக் கமராவில் இருந்து வெளியாகும் லேசர் ஒளிக்கற்றைகள் சுவர் போன்ற வஸ்துக்களில் தெறித்து, படம்பிடிக்கப்பட வேண்டிய பொருளை ஒளிரச் செய்யும். அந்த ஒளிர்வின் மூலம் சுவர் போன்ற வஸ்துக்களில் தெறிக்கும் பிம்பங்களைப் பதிவு செய்வது கமராவின் தொழில்நுட்பமாகும். இதன் மூலம், அறையின் வெளியே இருக்கும் கமராவின்; மூலம்; அறையின் உள்ளே இருக்கும் பொருளை படம் பிடிக்கலாம். இது எக்ஸ் கதிர்கள் இல்லாமல் எக்ஸ்-ரே படம் பிடிக்கும் தொழில்நுட்பம் போன்றதாகுமென மசசூசெட்ஸ் பல்கலைக்கழக பேராசிரியர் ரமேஷ் ரஸ்கர் தெரிவித்தார்

நிலச்சரிவுகளை முன்கூட்டியே கண்டுபிடிக்க எலிகளுக்கு பயிற்சி

2010-11-20T00:16:00.000-08:00

கண்ணிவெடிகளை கண்டுபிடிப்பதற்கும், நிலச் சரிவுகளை கண்டுபிடிப்பதற்கும் தான்சானியா நாட்டில் எலிகளுக்கு பயிற்சி அளிக்கப்பட்டு வருகிறது. நுண்ணிய மோப்ப சக்தியை கொண்ட பிராணியான எலிகளுக்கு, நிலக்கண்ணி வெடிகளை கண்டுபிடிப்பதற்கு மொசாம்பிக் நாட்டில் பயிற்சி அளிக்கப்பட்டது. இந்த பயிற்சி மூலம், சிறு ஒலியையும் உணர்ந்துக்கொள்ளும் எலிகள் உடனடியாக வந்து சத்தம் எழுப்பி எச்சரிக்கை செய்யும். அதன் மூலம், கண்ணிவெடிகள் கண்டுபிடிக்கப்பட்டு செயலிழக்கச் செய்யப்படும். இதே முறையில், சுரங்கங்களில் நிலச்சரிவு ஏற்படும், அறிகுறி தென்பட்டால், அதுகுறித்து முன்கூட்டியே எச்சரிக்கை செய்வதற்கு எலிகளுக்கு தான்சானியா நாட்டில் பயிற்சி அளிக்கப்படுகிறது.

சுரங்கங்களில், தொழிலாளர்கள் வேலை செய்துக்கொண்டிருக்கும்போது, நிலச்சரிவு ஏற்பட்டு, ஏராளமானோர் பலியாகின்றனர். இந்த சுரங்க விபத்துக்கள் பெரும்பாலும், எதிர்பாராத வகையில் நிகழ்கிறது. எலிகளுக்கு பயிற்சி அளிப்பதன் மூலம், இந்த விபத்துக்களை முன்கூட்டியே, தெரிந்துகொள்வதால், விபத்துக்களையும், உயிரிழப்புகளையும் தடுக்க முடியும்.

பிறந்து நான்கு வாரங்களே ஆன, சிறு எலிகளுக்கு இந்த பயிற்சி அளிக்கப்படுகிறது. சுரங்கங்களில் நிலச்சரிவு ஏற்படுவதை தனது நுண்ணிய புலன்களால் முன்கூட்டியே உணரும் எலிகள், தங்களது வலைகளில் இருந்து வெளியே வந்து, ஒலி எழுப்பி எச்சரிக்கை செய்யும். அதற்கேற்ற பயிற்சிகள் அவைகளுக்கு வழங்கப்படுகின்றன.

இதுகுறித்து, எலி பயிற்சியாளர் அப்துல்லா கூறியதாவது: எலிகள் மிகச் சாதாரண பிராணிகள் என்று மட்டமாக நாம் எடைபோட்டுவிடக்கூடாது. அவைகள் தற்போது, மனித உயிர்களை காக்கும் அரிய பணியில் ஈடுபட்டுள்ளன. தொழிலாளர்கள் பணிபுரியும் சுரங்கங்களில், 200 மீட்டர் சுற்றளவுக்கு 2 எலிகள், பயிற்சிக்குப் பின்னர் விடப்படும். அவைகள், அசம்பாவிதங்கள் ஏற்படுவதை முன்னறிவிக்கும். இதற்கேற்ப, எலிகளுக்கு ஆய்வகங்களில் பயிற்சி அளிக்கப்பட்டு வருகின்றன. மேலும், நிலநடுக்கங்களின் போது, கட்டட இடிபாடுகளில் சிக்கி உயிருக்கு போராடிக் கொண்டிருப்பவர்களை கண்டுபிடிக்கவும், எலிகளுக்கு பயிற்சி அளிக்கவும் திட்டமிட்டுள்ளோம். இவ்வாறு அப்துல்லா கூறினார்

80 வயதில் செக்ஸ் ஆசை அதிகரிக்கும்; ஆய்வில் தகவல்

2010-11-19T23:47:00.001-08:00

ஐம்பதிலும் ஆசை வரும், ஆசையுடன் பாசம் வரும்” என்பார்கள் அது உண்மைதான். அதுவும் 80 வயதில்தான் செக்ஸ் ஆசை அதிகரிக்கும் என்ற தகவலை ஆய்வு ஒன்று தெரிவிக்கிறது.

சிகாகோ பல்கலைக்கழகத்தின் உளவியல் பேராசிரியர் எட்வர்ட் வியூமான் இதுபற்றிய ஆய்வு நடத்தினார். 57 முதல் 85 வயது வரை உள்ள ஆண், பெண் இருவரிடமும் எந்த வயதில் “செக்ஸ்” ஆசை அதிக அளவில் இருந்தது என்று கருத்து கேட்கப்பட்டது.

1,550 ஆண்களிடமும், 1,755 பெண்களிடமும் வீடு வீடாக சென்று சர்வே செய்யப்பட்டது. இவர்களில் 68 சதவீதம் ஆண்களும், 42 சதவீதம் பெண்களும் தாங்கள் தற்போதும் “செக்ஸ்” சில் ஈடுபடுவதாக தெரிவித்தனர்.

இவர்களில் 80 முதல் 85 வயது வரை உள்ளவர்கள் தான் அதிக அளவில் “செக்ஸ்” சில் நாட்டம் உள்ளவர்களாக இருப்பது ஆய்வில் உறுதி செய்யப்பட்டுள்ளது. இதற்கிடையே, “செக்ஸ்” உறவு வைத்து கொள்ளாதவர்கள் உடல் ரீதியாகவும், மன ரீதியாகவும் பல பிரச்சினைகளுடன் இருப்பதும் கண்டு பிடிக்கப்பட்டது. மேலும் கணவன்- மனைவி உறவும் நெருக்கமாக இல்லாததும் தெரிய வந்தது.

“செக்ஸ்” உறவு வைத்து கொள்பவர்களில் 60 வயதினரைவிட 80 வயதினர் நல்ல உடல் நலத்துடன் உள்ளனர். உடல் ரீதியாகவும், மன ரீதியாகவும் அதிக ஆரோக்கியத்துடன் உள்ளனர் என்றும் ஆய்வு அறிக்கை தெரிவிக்கிறது.

குறட்டை இதய நோய்க்கான அறிகுறி..!

2010-11-19T23:40:00.000-08:00

சிலர் தூக்கத்தின் போது பயங்கரக் குறட்டை விடுவார்கள். அண்மையில் அப்படிப்பட்டவர்கள் 12000 பேரை உள்ளடக்கி ஹங்கேரி நாட்டில் நடத்தப்பட்ட ஒரு ஆய்வின் படி, தூக்கத்தின் போது அதிக சத்தத்துடன் குறட்டை விடுபவர்களுக்கு 34% அதிகமாக இதய நோயும் 67% அதிகமாக strokes (பக்கவாதம்)க்கும் ஏற்பட வாய்ப்புள்ளதாக கண்டறிந்துள்ளனர்.

ஆனால் அதிக சத்தமில்லாது குறட்டை விடுபவர்களில் இந்தப் பாதிப்பு அவதானிக்கப்படவில்லை. அதுமட்டுமன்றி ஆண்களில் 70 வயதைத் தாண்டியதும் குறட்டை விடுவதும் குறைவடைந்து செல்கின்றதாம்..!

எனவே அதிக சத்தத்துடன் குறட்டை விடுறவர்கள் அயலவர்கள் குறித்து மட்டுமன்றி தங்கள் உடலரோக்கியம் நோக்கியும் அதிகம் கவனம் செலுத்துவது நல்லது அல்லவா.

100 பெற்றுக்கொள்ள துடிக்கும் 88 குழந்தைகளின் தந்தை!!

2010-11-19T23:33:00.000-08:00

அப்துல் ரக்மான், என்னும் 64 வயது மனிதருக்கு எத்தனைக் குழந்தைகள் தெரியுமா??? 88 குழந்தைகள். ஐக்கிய அரபு அமீரகத்தில் வாழும் இவர் இது வரை 15 பெண்களை திருமணம் செய்துள்ளார். அவர்களில் மூன்று மனைவி மட்டும் இன்னும் இவருடன் வாழ்ந்து வருகிறார்கள். மற்றவர்கள் இவரின் பிள்ளைப் பெறும் இம்சைக்கு ஈடுக் கொடுக்க முடியாமல் மணமுறிவு வாங்கிவிட்டனர். இவரின் 88 குழந்தைகளில் 50 ஆண் குழந்தைகளும், 38 பெண் பிள்ளைகளும் அடங்குவர். இவரது மூத்த மகனுக்கு வயது 39 ஆகும். கடைசி குழந்தைக் கடந்த மாதம் தான் பிறந்தது.

இவர் ஜெய்ப்பூரைச் சேர்ந்த ஒரு பதினெட்டு வயது இந்தியப் பெண்ணை விரைவில் திருமணம் செய்ய உத்தேசித்து உள்ளாராம். இதற்காக அந்தப் பெண்ணின் தாயிடம் மகர் ( பணம் ) செலுத்தி விட்டாரம். இந்திய பெண்களை அரபு சேக்குகள் விலைக்கு வாங்குவது நடைமுறையில் இருக்கும் ஒரு செயல் தான்.

தாத்துக்கு அரபு அரசு மாதம் மாதம் பணம் கொடுத்து வருகிறது. அந்த நாட்டு அரசு இவரின் குடும்பம் வசிக்க ஆறு வீடுகளைக் கட்டிக் கொடுத்துள்ளது. இவர் பிள்ளைகளைப் பராமறிக்க அமீர்க இராணுவ பென்சன் பணம் கொடுத்தும் வருகிறது. பிள்ளைகளை மட்டும் பெறுவதையே தொழிலாக செய்து இவருக்கு அந்த நாட்டு அரசு ஊக்கம் தருவது ஆச்சர்யம் தருகிறது. ஆனால் உலகம் முழுதும் லட்சக்கணக்கான மக்கள் ஒரு வேளை உணவுக்கு கூட வழியில்லாமல் இருக்கும் அதே உலகில் இது தேவை தானா !!! கடவுள் கண்டுக் கொள்வாரா ??

இளவரசர் வில்லியம் திருமணம் 4,500 கோடி வருமானம் ஈட்டி தரும் ஆய்வு

2010-11-19T23:23:00.000-08:00

இங்கிலாந்து இளவரசர் வில்லியம், அவரது காதலி கேத் மிடில்டன் ஆகியோரின் திருமணம் அந்நாட்டிற்கு அடுத்த ஆண்டில் 4,500 கோடி வருமானம் ஈட்டி தரும் என்று ஆய்வில் தெரிய வந்துள்ளது.

இது குறித்து வெர்டிக்ட் நிறுவனம் நடத்திய ஆய்வில், ‘அடுத்த ஆண்டில் நடக்கவுள்ள இளவரசர் வில்லியம் கேத் மிடில்டன் திருமணம், அந்நாட்டிற்கு 4,500 வருமானம் ஈட்டி தரும். தற்போது திருமணம் தொடர்பான பொருட்களின் விற்பனை மூலம் 18.20 கோடி லாபம் கிடைத்திருக்கும்.

உணவு மற்றும் மளிகை பொருட்கள் சில்லறை விற்பனை 2,592 கோடிக்கு நடைபெறும். போக்குவரத்து, சுற்றுலா வருமானமாக 1,584 கோடி ஈட்டப்படும்’ என்று கணித்துள்ளது.

இளவரசர் வில்லியமின் நிச்சயதார்த்த கொண்டாட்டமாக வில்லியம் படம் அச்சிட்ட கொபி ‘மக்’ ஒன்று ஸி360க்கு விற்று வருகிறது. 30 ஆண்டுகளுக்கு பிறகு பக்கிங்காம் அரண்மனையின் வாரிசு திருமணம் நடக்க இருப்பதால், பெரிய அளவில் எதிர்பார்ப்பை அந்நாட்டில் உருவாக்கியுள்ளது

மைஸ்பேஸினூடாக பேஸ்புக்..

2010-11-19T23:22:00.000-08:00

மைஸ்பேஸ் மற்றும் பேஸ்புக் ஆகியன இரண்டு பிரபல சமூக வலையமைப்புகள் என தெரிவிக்கின்றனர். தற்போது முதலிடம் பேஸ்புக்கிற்குதான். காரணம் அதன் பாவனையாளர்களின் எண்ணிக்கை . சுமார் 500 மில்லியன்களுக்கும் அதிகமான பாவனையாளர்கள் இதற்கு உள்ளனர்.

இந்நிலையில் மைஸ்பேஸ் பாவனையாளர்கள் இனி தமது மைஸ்பேஸ் கணக்கினூடாக பேஸ்புக்கினுள் நுழையமுடியும். இதனை மைஸ்பேஸ் மற்றும் பேஸ்புக் நிறுவனங்கள் தற்போது உத்தியோகபூர்வமாக அறிவித்துள்ளன.

இதன்படி இவ்விரு சமூக வலையமைப்புகளுக்கிடையே பல்வேறு வசதிகளைப் பரிமாறிக் கொள்ளக் கூடியதாக இருக்கும் என நம்பப்படுகிறது. இதன் வசதிளை இக் காணொளியை பார்த்து தெரிந்துகொள்ளுங்கள்.

பசுக்களில் பால் கறக்கும் ரோபோ

2010-11-19T23:15:00.000-08:00

ஐரோப்பிய நாடுகளில் பசுக்களில் பால் கறக்க ரோபோ இயந்திரங்கள் பயன்படுத்தப்படும் வழக்கம் சிறிது சிறிதாக அறிமுகம் செய்யப்பட்டு வருகிறது.

ஆள் பற்றாக்குறையே இதற்கு முக்கிய காரணமாக கூறப்படுகிறது. தற்போது ஆஸ்திரேலியாவில் மெல்போனில் விரைவில் அறிமுகமாக்க உள்ளது. சிட்னி பல்கலைக்கழகம், ஆஸ்திரேலியா பியூச்சர்டைரி இணைந்து பசுக்களில் பால் கறக்கும் ரோபோ இயந்திரத்தை தயாரித்துள்ளன.

இது குறித்து ஆஸ்திரேலியா பியூச்சர் டைரி தலைவர் ஷிர்லே ஹர்லாக் கூறுகையில்: ‘எனது 40 ஆண்டு கால பால் பண்ணை அனுபவத்தில் இது மிகப் பெரிய வளர்ச்சி அனைத்து பண்ணைகளுக்கும் ரோபோ இயந்திரம் பொருந்தாது’ என்றா

விலங்குகளுக்கும் நகைச்சுவை உணர்வு உண்டு

2010-11-19T23:09:00.000-08:00

விலங்குகளுக்கு நகைச்சுவை உணர்வு கிடையாதென்று யார் சொன்னது என்ற கேள்வியுடன் நீர்யானை ஒன்றின் படம் " கொப்பி பொட்டாமஸ் " என்ற பெயரில் வெளியானது பலரையும் கவர்ந்தது.

கொப்பி பொட்டாமசைக் காணக் குவிந்த ரசிகர் கூட்டம் தங்களிடம் உள்ள சிரித்த முகத்துடன் கூடிய விலங்குகளின் படத்தையும் இணையத்தில் வெளியிட்டு வருகின்றனர். இதை விட மிகவும் ஆச்சர்யமான விடயம் மனிதக் குரங்குகள், நாய்கள், எலி உட்பட சில விலங்குகளால் சிரிக்க முடியு மென ஆராய்ச்சியாளர்களும் நம்புகின்றனர்.

அரிய விலங்கினங்களின் 500எலும்புகள் கண்டுபிடிப்பு

2010-11-19T23:08:00.000-08:00

அமெரிக்கா, டென்வரில் உள்ள பனிமலைப்பகுதியில் தொல்பொருள் ஆராய்ச்சியாளர்கள், 43 ஆயிரம் ஆண்டுகளுக்கு முன்பு வாழ்ந்த அரிய விலங்கினங்களின் 500 எலும்புகள் கண்டுபிடிக்கப்பட்டுள்ளன. பனிமலைப்பகுதியில் உயரே செல்ல செல்ல 4 மற்றும் 8 வகையிலான அரிய விலங்கினங்களின் எலும்புகள் சிக்கின. அதை எடுத்து வந்து 18 நாள் ஆய்வு செய்தபோது சுமார் 43 ஆயிரம் ஆண்டுகளுக்கு முன்பு வாழ்ந்த பிராணிகளின் எலும்புகள் என்றும் நாங்கள் தொடர்ந்து ஆராய்ச்சி மேற்கொள்வோம் அப்போது மேலும் பிராணிகள் எலும்புகள் கிடைக்கும் என தொல்லியல் ஆராய்ச்சியாளர் ஒருவர் தெரிவித்தார்

50கிராம் டீ விலை 2,160 அமெரிக்க டாலர்!

2010-11-19T23:01:00.000-08:00

உலகில் வாழும் குடிமக்களுக்கு ஏதாவது ஒரு பானம் விருப்பமானதாக இருக்கும். அதனை பெறுவதற்காக எவ்வளவு விலையும் கொடுக்க தயாராக இருப்பார்கள். அதற்கேற்றார்போல் வந்துள்ளது டீ விலை. சீனா மற்றும் ஹாங்காங்கில் விளையும் டா ஹங் பாவோ என்றழைக்கப்படும் டீதான் மற்ற டீ வகைகளுக்கெல்லாம் ராஜா என்றழைக்கப்படுகிறது. முன்னாள் அமெரிக்க அதிபர் ரிச்சர்ட் நிக்சன் சீனா சென்ற போது இந்த டியை தான் ருசித்தாராம். இதில் உள்ள நறுமணம் மீண்டும் சுவைக்கத் தூண்டுமாம்.ஒவ்வொரு ஆண்டும் அமெரிக்காவுக்கு விற்பனைக்காக வரும் 100 டீ பாக்ஸ்கள் இரண்டே மாதங்களில் விற்று தீர்ந்து விடுமளவிற்கு அமெரிக்கர்களின் மனத்தை மயக்கிவைத்துள்ளது. 2011 ஆம் ஆண்டிற்கான ஆர்டர் பதிவிற்கு வெயிடிங்கில் இருக்க வேண்டியுள்ளது. இதன் விலை அதிகம் ஒன்றும் இல்லை . 50 கிராம் டீ விலை சுமார் 2 ஆயிரத்து 160 டாலர்கள் மட்டுமே.

முன்னால் காதலனுடன் புதுப்பெண் ஓட்டம்!!

2010-11-19T22:55:00.000-08:00

திருநெல்வேலியில் புதுப்பெண் ஒருவர் திருமணமான 9 மாதத்தில் கணவனை விட்டுவிட்டு காதலனுடன் ஓடிய சம்பவம் பெரும் பரபரப்பை ஏற்படுத்தியுள்ளது.

பாளையங்கோட்டை கேடிசி நகரை சேர்ந்த சுப்பையா வெளிநாட்டில் வேலை செய்து வருகிறார். இவருக்கும் தூத்துக்குடியை சேர்ந்த சுப்பிரமணியன் மகள் கோமதி(20)க்கும் 9 மாதங்களுக்கு முன் திருமணம் நடந்தது.

திருமணம் முடிந்து மனைவியை அவரது பெற்றோர் வீட்டில் தங்க வைத்துவிட்டு சுப்பையா வெளிநாடு சென்றுவிட்டார். இந்நிலையில் கோமதிக்கும், வேறு ஒருவ‌ருக்குமிடையே காதல் தொடர்பு இருந்தது. இதையடுத்து கோமதி நேற்று அவருடன் ஓடிவிட்டார்.

இந்நிலையில்,அவர் எழுதிய கடிதத்தில் ''திருமணத்திற்கு முன்பே நான் ஒரு வாலிபரை காதலித்து வந்தேன். உங்களை திருமணம் செய்தாலும் அவரை நான் மறக்கமுடியவில்லை. எனவே வீணாக குழம்பி கிடப்பதை விட அவருடன் சென்று குடும்பம் நடத்த முடிவு செய்து விட்டேன். தாங் கள் என்னை மன்னிக்க வேண்டும்” என எழுதப்பட்டிருந்தது.

இதுகுறித்து கோமதியின் தந்தை சுப்பிரமணியன் பாளை போலீசில் புகார் செய்தார். போலீசார் விசாரித்து வருகின்றனர்

எரிகல்லின் தூசிகளை அள்ளி வந்த ஜப்பானிய விண்கலம் !

2010-11-19T22:51:00.000-08:00

ஜப்பானிய விண்கலம் ஹேயாபூசா விண்வெளிக்கு அனுப்பப்பட்டது. அங்கு இருந்து அது கடந்த ஜூன் மாதம் பூமிக்கு திரும்பியது. அப்போது அது இடோகாவா என்ற எரிகல்லில் இருந்து தூசுகளை அள்ளிக்கொண்டு வந்தது. எரிகல்லில் இருந்து தூசுகளை அள்ளிக்கொண்டு பூமிக்கு வருவது இதுவே முதல்முறை ஆகும். இந்த தூசுகளின் சாம்பிள்களை விஞ்ஞானிகள் ஆய்வு செய்து வருகிறார்கள்.

இந்த ஆய்வின் மூலம் சூரிய மண்டலத்தை பற்றிய உண்மைகளையும், மனிதன் தோன்றியது எப்படி என்பதையும் அறிந்து கொள்ள முடியும் என்று விஞ்ஞானிகள் நம்புகிறார்கள். எரிகல்லின் சாம்பிள் என்பது விண்ணில் இருந்து கொண்டுவரப்பட்ட 4-வது சாம்பிள் ஆகும். சந்திரனில் இருந்து கல்லை அப்பலோ விண்கலம் எடுத்து வந்தது தான் முதல் சாம்பிள் ஆகும். அதன் பிறகு வால் நட்சத்திரத்தில் இருந்தும், சூரியனில் இருந்தும் பொருள்கள் எடுத்து வரப்பட்டன.

நூறு அடி குழிக்குள் வீழ்ந்த குழந்தை சிறு காயங்களுடன் மீண்ட அதிசயம்!(VEDIO UPDATED_

2010-11-19T22:48:00.000-08:00

ஆர்ஜன்டீனாவில் தலைநகர் புவனர்ஸ் அயர்ஸ்ஸுக்கு அருகில் பிளாரஸ் பகுதியில் மூன்று வயது குழந்தையொன்று 100 அடி ஆழமான தண்ணீர் நிறைந்த கிணற்றுக்குள் வீழ்ந்தது.

வெனசா மமானி என்ற இந்தக் குழந்தை வீழ்ந்த கிணறு விவசாயிகளால் பாவிக்கப்படும் 14 அங்குலங்கள் மட்டுமே அகலமான கிணறாகும். இதில் யாரும் விழுந்தால் மீட்டெடுப்பதென்பது மிகவும் சிரமமான ஒரு விடயமாகும்.

குழந்தை விழுந்த தகவல் கிட்டியதும் பொலிஸார் தீயணைப்புப் படையினர் என 200 க்கும் மேற்பட்ட மீட்பாளர்கள் அங்கு விரைந்தனர் உள்ளே யாரும் இறங்க முடியாது அந்தளவு கிணறு ஒடுக்கமானது. உள்ளே ஒரு கயிறு போடப்பட்டது. அந்தக் கயிற்றைப் பிடித்துக்கொண்டு குழந்தை மேலே வருமா? அதுசம்பந்தமான அறிவுறுத்தல்களை குழந்தையால் பின்பற்றமுடியுமா? என்றெல்லாம் கேள்விகள் எழுந்தன.

இருந்தாலும் வேறு வழியில்லை. இதற்கிடையில் அங்கு ஊடகங்களும் வந்து சேர்ந்துவிட்டன. விஷேட கேபிள் வழியாக கெமராக்களும் கிணற்றுக்குள் அனுப்பப்பட்டன. படப்பிடிப்பும் நடந்தது. கிட்டத்தட்ட எட்டு மணிநேர தீவிரப் போராட்டத்தின் பின் அந்த அதிசயம் நடந்தது.

குழந்தை வெனசா மமானி எல்லோரும் அதிசயிக்கத்தக்க வகையில் இந்த கயிற்றைப் பற்றிப் பிடித்தவாறு மேலே வந்தது. உள்ளே அனுப்பப்பட்ட கயிறு குழந்தையின் மார்பைச் சுற்றிக் காணப்பட்டது.

அழுது கொண்டு வெளியே வந்த குழந்தையின் உடலில் சிறு கீறல் காயங்கள் மட்டுமே காணப்பட்டன. இருந்தாலும் குழந்தை அதிர்ச்சியால் பாதிக்கப்பட்டுள்ளது. இப்போது ஆஸ்பத்திரியில் அனுமதிக்கப்பட்டு சிகிச்சையளிக்கப்படுகின்றது

நிர்வாண திருமண அல்பங்களை விரும்பும் சீனா தம்பதிகள்!!

2010-11-19T22:43:00.000-08:00

சீனாவில் திருமணம் செய்யும் தம்பதிகள் பலர் நிர்வாண கோலத்தில் போஸ்கொடுத்து, திருமண அல்பங்களை தயாரித்து வருவது குறித்து சீன அதிகாரிகள் கதிகலங்கியுள்ளனர்.

சீனாவில், திருமண வைபவத்திற்கு பல மாதங்களுக்கு முன்பே திருமண அல்பங்களை தயாரித்துவிடும் வழக்கம் உள்ளது. சில தசாப்தங்களாக மேற்கத்தேய பாணி ஆடைகளுடன் திருமண அல்பங்களுக்கான புகைப்படங்களுக்கு மணமக்கள் போஸ்கொடுத்து வந்தனர்.

ஆனால் தற்போது மணமக்கள் சிலர் எதுவும் வேண்டாம் என நிர்வாண கோலத்தில் புகைப்படங்களுக்கு போஸ் கொடுக்கின்றனராம். இந்த வழக்கம் படிபடியாக அதிகரித்து வருகிறது. ஆதாம்- ஏவாள், தேவதைகள், புராதன கிரேக்க கடவுள்கள் ஆகிய தொனிப்பொருள்களில் இந்த அல்பங்கள் தயாரிக்கப்பட்டன.

சில அல்பங்கள் மென் பாலியல் படங்களின் அடிப்படையிலும் தயாரிக்கப்பட்டனவாம். இந்நிலையில், சீன அரசாங்கத்தினால் நிர்வகிக்கப்படும் சீன புகைப்படக் கலைஞர்கள் சங்கம் பதறியடித்துக்கொண்டு இந்த புதிய வழக்கத்தை தடை செய்துள்ளது.

இப்புகைப்படங்கள் அமைப்பு ரீதியான திருமணத்தின் தாற்பரியத்திற்கு முரணானது என மேற்படி சங்கத்தின் தலைவர் ஹீ லின் கூறியுள்ளார்.திருமணம் என்பது புனிதமான சடங்கு. அது மதிக்கப்பட வேண்டுமென நாம் விரும்புகிறோம் என அவர் தெரிவித்துள்ளார்.

இறந்ததாக கருதி இறுதிச் சடங்கு நடத்தப்பட்டவர் உயிரோடு திரும்பினார்

2010-11-19T22:41:00.000-08:00

இறந்ததாக கருதி இறுதிச் சடங்கு நடத்தப்பட்டவர் உயிரோடு திரும்பியதால் முட்டுக்காடு பகுதியில் பெரும் பரபரப்பு ஏற்பட்டுள்ளது.

சென்னை, நீலாங்கரையை அடுத்த கிழக்கு கடற்கரை சாலை முட்டுக்காடு கரிகாட்டுக் குப்பத்தைச்சேர்ந்தவர் துரை. இவருக்கு ராணி என்ற மனைவியும், 3 மகள்களும், 1 மகனும் உள்ளனர். துரை கடந்த ஜூலை மாதம் வீட்டில் கோபித்துக்கொண்டு வீட்டை விட்டு காணாமல் போய் விட்டார்.

உறவினர் வீடுகளில் தேடிப் பார்த்தும் துரையை காணாததால் நீலாங்கரை காவல்நிலையத்தில் துரையின் குடும்பத்தினர் புகார் செய்தனர். இந்நிலையில் கடந்த ஆகஸ்டு மாதம் முட்டுக்காடு பக்கிங்காம் கால் வாயில் அழுகிய நிலையில் பிணம் ஒன்று கிடந்தது.

இந்த உடலை போலீசார் மீட்டனர். காணாமல் போன துரையின் உடலாக இது இருக்கும் என்று கருதிய போலீசார் அவரது குடும்பத்தினரை அழைத்து அடையாளம் காட்டச் சொன்னார்கள். துரைக்கு வயிற்றில் அறுவை சிகிச்சை செய்த தழும்பு இருக்கும் என்றும், காலில் ஒரு கயிறு கட்டியிருப்பார் என்றும் குடும்பத்தினர் சொன்ன நிலையில் அவரது அங்க அடையாளங்கள் அந்த உடலுடன் ஒத்துப் போனதால், பிரேத பரிசோதனை செய்து உடலை உறவினர்களிடம் ஒப்படைத்தனர். உறவினர்களம் அந்த உடலை பெற்றுக் கொண்டு இறுதிச் சடங்குகள் நடத்தின உடலை தகனம் செய்து விட்டதாக கூறப்படுகிறது.

2066 இல் பிரிட்டனில் வெள்ளைக்காரர்கள் சிறுபான்மையினராகி விடுவர் – ஆராயச்சி!

2010-11-19T22:36:00.000-08:00

தற்போது இருக்கும் அளவிலேயே வெளிநாட்டவர் குடிவரத்து பிரிட்டனில் தொடருமானால் 2066 இல் வெள்ளையின பிரித்தானியர்கள் மைனாரிட்டியாகி விடுவர் என புதிய ஆய்வு முடிவுகள் ஒன்று வெளியாகியுள்ளது.

பெருகி வரும் வெளிநாட்டவர் குடிவரத்தை கட்டுப்படுத்தாவிட்டால் விரைவிலேயே பிரிட்டன் தேசிய அடையாளத்தை இழக்க வேண்டிய நிலை ஏற்பட்டு விடுமென முன்னணி மக்கள்தொகை நிபுணர் எச்சரித்துள்ளார்.

தற்போதைய நிலவரப்படி ஆண்டொன்றுக்கு 180,000 வெளிநாட்டவர் பிரிட்டனுக்குள் வந்து கொண்டிருப்பதாகவும், இப்படி வரும் வெளிநாட்டவர் பலர் பிரித்தானியர்களை மணமுடித்து அங்கேயே தங்கி விடுவதால் தற்போது எண்பதாக இருக்கும் பிரித்தானியர் பிறப்பு வீதம் 2051 ஆம் ஆண்டிலேயே 59 விழுக்காடாக குறைந்து விடும் என தேசிய புள்ளிவிபர அலுவலகம் வெளியிட்டுள்ள அதிகார பூர்வ தகவல்களின் அடிப்படையில் நிபுணர்கள் தங்கள் ஆராயச்சி முடிவுகளை வெளியிட்டுள்ளனர் என்பது குறிப்பிடத்தக்கது

உடல் பருமனாக உள்ளவர்களுக்கு மோப்பம் பிடிக்கும் சக்தி அதிகம்- ஆய்வு!

2010-11-19T22:33:00.000-08:00

உடல் பருமனாக உள்ளவர்களுக்கு மோப்பம் பிடிக்கும் சக்தி அதிகம் என்கிறது ஒரு ஆராய்ச்சி. மசால் வடை சுட்டாலோ, மீன் குழம்பு வைத்தாலோ எங்கிருந்தாலும் அவர்கள் உடனே ஓடிவந்துவிடுவது இதனால்தான்.

உடல் பருமன் அதிகரிப்பதற்கான காரணம் குறித்து லண்டன் போர்ட்ஸ்மவுத் பல்கலைக்கழகத்தின் உளவியல் பிரிவு தலைவர் லொரான்ஸோ ஸ்டாஃபோர்ட் தலைமையில் சமீபத்தில் ஒரு ஆய்வு நடத்தப்பட்டது.

அதில் தெரியவந்த தகவல்கள்:

மூளையில் உள்ள ஒரு குறிப்பிட்ட பகுதியே வாசனையை நுகர்வதற்கு நம்மை தூண்டுகிறது. இவ்வாறு தூண்டப்படும் நேரத்தில் மோப்ப சக்தி இயல்பாகவே அதிகரிக்கும். வாசனை கமகமக்கும் இடத்துக்கு சென்றதும் ‘அதை எடுத்து சாப்பிடு’ என்று மூளையின் இன்னொரு பகுதி நம்மை தூண்டும். இதனால்தான் அதை சாப்பிடுகிறோம்.

மூளை இப்படி அடிக்கடி தூண்டினால் நிறைய சாப்பிட்டு உடல் பருமனாகிறோம். மெலிந்த தேகம் உள்ளவர்களுக்கு மோப்ப சக்தி குறைவு. பருமனாக உள்ளவர்களுக்கு வாசனையை வைத்தே உணவின் ருசியை நிர்ணயிக்கும் மோப்ப சக்தி அதிகம்.

இதனால்தான் ருசியான உணவுகளை எளிதில் அடையாளம் காண்கின்றனர். பருமன் அதிகமாகிறதே என்ற எச்சரிக்கை உணர்வு இல்லாமல் பிடித்த உணவை மீண்டும் மீண்டும் சாப்பிடுகின்றனர். அதிகளவு குண்டாகி அவஸ்தைப்படுகின்றனர் என்கிறது ஆய்வு

12 பெண்களுடன் இண்டர்நெட் செக்ஸ் – பி.பி.சி ” ஒன் ஷோ ” தொகுப்பாளர் ஜசோன் மான்போர்ட் பகிரங்கம்

2010-11-19T22:31:00.000-08:00

பி.பி.சி 1 அலைவரிசையில் ஒன் ஷோ நிகழ்ச்சியை தொகுத்து வழங்கி வந்த ஜசோன் மான்போர்ட் பதவி விலக இருப்பதாக கண்ணீர் ததும்பும் விழிகளுடன் அறிவித்துள்ளார். நகைச்சுவை உணர்வு மிக்க நிகழ்ச்சித் தொகுப்பாளர் என்ற வகையில் பிரிட்டனில் வசிக்கும் மக்களிடையே பிரபலமானவர் ஜசோன்.

சமூக வலைத்தளமான ட்விட்டர் மற்றும் ஸ்கைப்பில் இருக்கும் வீடியோ அழைப்பு வசதிகளை பயன்படுத்தி இதுவரை 12 இளம்பெண்களிடம் செக்ஸ் தொடர்பாக பேசி வந்துள்ளதாகவும், தற்போது தன் மனைவியை அது ஏமாற்றுவதாக இருப்பதை உணர்ந்து குடும்பத்துடன் நேரத்தை இனி இனிமையாகச் செலவிட முடிவு செய்து பதவி விலகவிருப்பதாக ஜசோன் பி.பி.சி க்கு எழுதியுள்ள கடிதத்தில் குறிப்பிட்டுள்ளார்.

இது குறித்து பிற ஊடகங்கள் பி.பி.சி செய்தி நிறுவனத்திடம் கேட்ட போது ஜசோனின் முடிவை ஏற்றுக் கொண்டோம் என்பதை தவிர தங்களிடம் சொல்வதற்கு ஒன்றுமில்லை என அந்நிறுவனம் அறிவித்து விட்டது. தன்னுடைய ரசிகைகள் பலருடன் ஜசோன் உல்லாச விடுதி அறைகளில் தங்கியுள்ளதும் தற்போது வெளிச்சத்துக்கு வந்துள்ளது.

நீண்ட காலமாக காதலித்து வந்த கேத்ரின் என்பவரை ஜசோன் கடந்த ஆண்டு மணம் முடித்தார். தற்போது இவர் மனைவி எட்டு மாதக் கர்ப்பிணியாக உள்ளார் என்பது குறிப்பிடத்தக்கது.

மூளை புற்றுநோய் இருப்பதாக மோசடியாக நிதி திரட்டியவர் கைது

2010-11-19T22:30:00.000-08:00

தனக்கு மூளையில் புற்றுநோய் இருப்பதாக மோசடியாக நாடகமாடிய டொராண்டோவைச் சேர்ந்த 39 வயதுக்காரர் நேற்று கைது செய்யப்பட்டார். அக்டோபர் 2009 இல் நண்பர்கள் மூலம் மூளைப் புற்றுநோய் சிகிச்சைக்காக $3,000 நிதி திரட்டிய அவர் அனைத்தையும் செலவழித்து விட்டு பின்னர் நண்பர்கள் , சொந்தங்களிடம் தனக்கு புற்றுநோய் இல்லை என்ற உண்மையைக் கூறியுள்ளார்.

இதைத் தொடர்ந்து இதே போன்ற நிதி திரட்டும் சமபவங்கள் பல நடைபெற்றதால் போலீஸ் உஷாராகியுள்ளது. நேற்று கிறிஸ்டோபர் கார்டன் என்பவர் இதே போன்று பொய்யான நாடகமாடி $5,000 நிதி திரட்டியதை கண்டறிந்த போலீஸ் அவரையும் கைது செய்துள்ளது.

இதே போன்ற மேலும் நான்கைந்து வழக்குகள் நிலுவையில் இருப்பதால் அனைத்தும் கோர்ட்டில் விசாரிக்கப்பட்டு விரைவில் மோசடி பேர்வழிகளுக்கு தண்டனை வழங்கப்படும் எனத் தெரிகிறது.

கடலில் மிதந்து வந்த உலகின் பழம்பெரும் சம்பெய்ன்!

2010-11-19T22:28:00.000-08:00

பால்டிக் கடல் பிரதேசத்தில் சுமார் 200 வருடங்களுக்கு முன் மூழ்கிய ஒரு கப்பலில் இருந்தது என நம்பப்படும் இரண்டு சம்பெய்ன் போத்தல்கள் கடந்த புதன் கிழமை திறக்கப்பட்டன.

சுமார் 100 ஊடகவியலாளர்கள் மற்றும் சம்பெய்ன் மதுபான ஆர்வலர்கள் பலர் முன்னிலையில் வைன் உற்பத்தி நிபுணர்கள் இந்த போத்தல்களின் தக்கையைத் திறந்தனர்.

பின்லாந்தின் ஐஸ்லாந்து மாநிலத் தலைநகர் ஆலந்திலேயே இந்த நிகழ்வு இடம்பெற்றது. இந்த சம்பெய்ன் கிளாஸ்களில் ஊற்றி பரிமாறப்பட்டது. தற்போதைய சம்பெய்ன் பானத்தைவிட இது மிகவும் காரமாக இருந்தது என்று சுவைத்தவர்கள் கூறினர்.

அதுமட்டுமல்ல இதன் மணம் கூட நீண்ட தூரத்துக்கு மூக்கைத் துளைத்தது என்றும் அவர்கள் கூறினர். மூழ்கிய கப்பலுக்குள் இது மிகவும் பாதுகாப்பாகப் பேணப்பட்ட நிலையில் இருந்திருக்க வேண்டும் என்று நிபுணர்கள் கூறினர்.

மூழ்கிய கப்பலுக்குள் சுமார் 168 சம்பெய்ன் போத்தல்கள் இருந்திருக்கலாம் என்று சில தகவல்கள் கூறுகின்றன. அவற்றுள் மூன்று அல்லது நான்கு போத்தல்களே மீட்கப்பட்டிருப்பதாகவும் தெரியவருகின்றது.

இவற்றை தற்போது ஏலத்தில் விட பின்லாந்து மாநில அரசு முடிவு செய்துள்ளது. ஒரு போத்தல் சுமார் 135, 000 டொலருக்கு விற்கப்படலாம் என்று எதிர்ப்பார்க்கப்படுகின்றது

நாயை கட்டிபோட்ட எஜமானுக்கு 6வருட சிறையும் 5000ஸ்டேலிங் பவுண் அபராதமும் !!

2010-11-19T22:25:00.000-08:00

வேலியில் கட்டப்பட்டு பட்டினியால் வாடி வதங்கிப் போயிருந்த இந்த நாயை வீதியால் சென்ற ஒருவர்தான் கண்டுள்ளார் அங்கிருந்து அதனால் அசையக் கூட முடியவில்லை.

ஒரு தள்ளுவண்டியின் உதவியோடு அதைக் கொண்டுபோய் அருகில் உள்ள மிருக வைத்திய சாலையில் சேர்த்தார்.

இந்த நாய் மிக மோசமான நிலையில் இருந்தது. அதனால் நிற்கக் கூட முடியவில்லை.அதன் சருமமும் ஒரு வகை நோயினால் பாதிக்கப்பட்டிருந்தது.

பல மாதங்களாகவே இந்த நாய் வேதனைகளை அனுபவித்திவந்துள்ளமைளை புரிந்துகொள்ள முடிந்தது என்று இந்த நாயைக் கொடுமைக்குள்ளாக்கிய அதன் எஜமானைத் தேடி வரும் பொலிஸ் இன்ஸ்பெக்டர் கூறினார்.

இந்த கொடுமைக்கார எஜமான் யாரென்பது இன்னும் தெரியவில்லை. இந்த நாயை இந்தளவு கொடுமைபடுத்தியுள்ளமை முற்றிலும் அனுமதிக்க முடியாத ஒரு விடயம். சரியான முறையில் இந்த நாயைக் கவனித்திருந்தால் அதன் நிலை இந்தளவு மோசமடைந்திருக்காது என்றும் அவர் மேலும் கூறினார்.

உரிமையாளர் கண்டுபிடிக்கப்பட்டு சட்டத்தின் முன் நிறுத்தப்பட்டால் அவருக்கு ஆறு மாத சிறைத்தண்டனையும், 5000 ஸ்டேலிங் பவுண் தண்டமும் விதிக்கப்படும். இந்தச் சம்பவம் லண்டனில் நடைபெற்றுள்ளது

வன்முறையை தூண்டக்கூடிய மரபணு குறைபாடுடைய அதிசய சிறுமி

2010-11-19T22:23:00.000-08:00

இங்கிலாந்தின் பிர்மிங்காம் பகுதியை சேர்ந்தவள் கிரேஸ் ஃபிஷ்விக். அன்பு நிறைந்த, அமைதியான 9 வயதான இந்த சிறுமி திடீரென தனது பெற்றோரையும், சகோதரர்களையும் தாக்க தொடங்கி விடுவாள். பின்னர் தன்னையும் தாக்கி கொள்வாள். ஏனெனில் இவள் பிறக்கும் பொழுதே ஸ்மித் மேஜெனிஸ் சின்ட்ரோம் என்ற மரபணு குறைபாட்டுடன் பிறந்தாள். இது 25 ஆயிரம் குழந்தைகளில் ஒருவருக்கு என்ற வகையில் அரிதாக ஏற்படும் மரபணு குறைபாடாகும்.

இந்த குறைபாடு அவள் வளர வளர, மேலும் தீவிரம் அடைந்தது. அவள் எல்லோரையும் போலவே பாடுவாள், ஆடுவாள், பொம்மைகளை வைத்து விளையாடுவாள். அடுத்த சில நிமிடங்களில் எங்களை தாக்க தொடங்கி விடுவாள். அத்தோடு தன்னையும் தாக்கி கொள்வாள் என்று அவளது தாயார் லிசா (வயது 33) கூறுகிறார். அப்போது அவளால் தன்னை கட்டுப்படுத்த இயலாது. ஆனால் இயல்பு நிலைக்கு திரும்பியவுடன் அவர்களிடம் மன்னிப்பு கேட்டு அவர்களை கட்டியணைத்து கொள்கிறாள். இதனால் கிரேசுக்கு விருப்பமான பிங்க் நிற பொம்மைகளோடு தனியறை ஒன்றை ஒதுக்கி உள்ளார்கள்.

இரசாயன சாயம் கலந்த உணவுப்பொருட்ககளால் ஆபத்து!

2010-11-19T22:20:00.000-08:00

கெமிக்கல் சாயம் கலந்த உணவுப்பொருட்கள்: உடல்நிலை பாதிக்கும் அபாயம்

உணவு பொருட்களில் நிர்ணயிக்கப்பட்ட அளவிற்கு கூடுதலாகவும், ஆடைகளுக்கு பயன்படுத்தும் கெமிக்கல் வண்ணங்களும் பயன்படுத்துவதால், அதை விரும்பி சாப்பிடுபவர்களுக்கு, உடல் நிலை பாதிக்கும் அபாயம் உள்ளது. சமீபகாலமாக தயாரிப்பாளர்கள் பலர், வாடிக்கையாளர்களை கவர வேண்டும் என்பதற்காக,

தாங்கள் தயாரிக்கும் உணவு பொருட்களில் பல்வேறு வண்ணங்களை கலக்கின்றனர்.

குழந்தைகள் விரும்பி சாப்பிடும் கேக், சுவீட், குழல் அப்பளம் முதல் ஓட்டல்களில் பெரியவர்கள் சாப்பிடும் சிக்கன்-65, பொறித்த மீன் என அனைத்திலும், வண்ண சாயங்கள் கலக்கப்படுகின்றன. நிர்ணயிக்கப்பட்ட அளவை விட கூடுதலாக வண்ணங்கள் சேர்ப்பதால், உணவு பொருட்கள் உடலுக்கு ஆரோக்கியம் தருவதற்கு மாறாக, பாதிப்பையே ஏற்படுத்தும். இயற்கை மற்றும் செயற்கை வண்ணத்தை பயன்படுத்திய வியாபாரிகள், உற்பத்தியாளர்கள் பலர், சமீபகாலமாக விலைமலிவு, பலன் அதிகம் என்பதற்காக, துணிகளுக்கு சாயம் ஏற்ற பயன்படுத்தும் கெமிக்கல் வண்ணங்களை உணவு பண்டங்களில் சேர்க்கின்றனர்.

இதுபோன்ற கெமிக்கல் வண்ணம் சேர்த்த உணவு பண்டங்களை சாப்பிடுவதால், குழந்தைகள் கடுமையாக பாதிக்கின்றனர். நகராட்சி உணவு ஆய்வாளர் ஒருவர் கூறியதாவது: உணவு பொருட்களில் இயற்கை வண்ணம், செயற்கை வண்ணம் என்ற இருவகை வண்ணங்கள் கலக்கப்படுகின்றன. பீட்டா கரோட்டின், குளோரோபில், ரிபோப்ளேவின், கேராமல், சேப்ரான் உட்பட 11 வகை இயற்கை வண்ணங்களை உணவு பொருட்களில் பயன்படுத்தலாம். சிவப்பு, மஞ்சள், நீலம், பச்சை ஆகிய நான்கு செயற்கை வண்ணத்தையும் பயன்படுத்தலாம்.

செயற்கை வண்ணத்தை பொறுத்தவரை, சிவப்பில் பான்சியோபோராக், கார்மோசிம், எரித்ரோசின், மஞ்சளில் டாட்ராசின், சன்செட் எல்லோ, நீலத்தில் இன்டிகோ கார்மென், பிர்லியண்ட் புளூ, பச்சையில் பாஸ்ட் கிரீன் ஆகிய வண்ணங்களையே உணவு பொருட்களில் சேர்க்க வேண்டும். அதிலும், ஒவ்வொரு பண்டங்களுக்கும் நிர்ணயிக்கப்பட்ட அளவில் மட்டுமே வண்ணங்களை சேர்க்க வேண்டும். நிர்ணயித்த அளவுக்கு கூடுதலாக இயற்கை, செயற்கை வண்ணம், கெமிக்கல் சாயம் கலந்த உணவு பொருட்களை சாப்பிடும் பெரியவர்கள், குழந்தைகள் என அனைவருக்கும், கல்லீரல் பாதிப்பு, மஞ்சள் காமாலை, வயிற்றுப் போக்கு, கேன்சர், பசியின்மை போன்ற பாதிப்புகள் ஏற்படும். உணவு கலப்பட தடை சட்டம் 1954ல் கீழ், நிர்ணயிக்கப்பட்ட வண்ணத்தை விட கூடுதலாக சேர்த்திருப்பது உறுதியானால், அதை தயாரித்தவர்கள், விற்பவர்களுக்கு ஆறு மாதம் முதல் ஆயுள் தண்டனை வரையும், 1,000 முதல் 5,000 ரூபாய் வரை அபராதம் விதிக்க முடியும்.

“உணவு பாதுகாப்பு சட்டம் 2006′ இன்னமும் நடைமுறைக்கு வரவில்லை. அந்த சட்டம் அமலாக்கம் செய்யப்பட்டால், உணவு பொருளில் கலப்படம் செய்வோருக்கு லட்சக்கணக்கில் அபராதம் மற்றும் சிறை தண்டனை விதிக்க வாய்ப்புள்ளது. இவ்வாறு ஆய்வாளர் கூறினார்

உயர் இரத்த அழுத்தமா வெள்ளைபூடு தீர்க்கும்- ஆய்வு

2010-11-19T22:17:00.000-08:00

உயர் இரத்த அழுத்த நோயாளிகள் வெள்ளைப்பூண்டை மருந்தாகப் பயன்படுத்த முடியும் என அண்மைய மருத்துவ ஆய்வுத் தகவல்கள் தெரிவிக்கின்றன.

உயர் இரத்த அழுத்த நோயாளிகள் மருந்து மாத்திரைகளுக்கு மேலதிகமாக வெள்ளைப் பூண்டை உட்கொள்வதனால் நன்மையடைய முடியும் என அவுஸ்திரேலிய மருத்துவர்கள் சுட்டிக்காட்டியுள்ளனர்.

50 நோயாளிகளிடம் நடத்தப்பட்ட ஆய்வின் மூலம் வெள்ளைப்பூண்டின் மருத்துவ குணம் நிரூபிக்கப்பட்டுள்ளது.

வெள்ளைப்பூண்டை உட்கொள்வோரை விடவும் ஏனைய நேயாளிகளுக்கு உயர் இரத்த அழுத்தம் காணப்பட்டதாகத் தெரிவிக்கப்படுகிறது.

எவ்வாறெனினும், இந்த வியடம் குறித்து மேலதிக ஆய்வுகள் நடத்தப்பட வேண்டுமென பிரித்தானிய இருதய மருத்துவர் பேரவை அறிவித்துள்ளது.

வெள்ளைப்பூண்டு இருதய ஆரோக்கியத்திற்கு மிகவும் உசிதமானதென ஏற்கனவே தகவல்கள் வெளியாகியுள்ளமை குறிப்பிடத்தக்கது.

வெள்ளைப்பூண்டு உடலின் கொலஸ்டரோலின் அளவை குறைப்பதற்கு உதவும் என தெரிவிக்கப்பட்டுள்ளது.